11:12  marobrivae6)  conveniant.  Si  poterit  inter  eos  convenire,  merito  timendum  est  ne  ad  nos  perdendos  conspirent.  Aderit  Ferdinandus,  qui  iam  itineris  magnam  partem  progressus  est.  Rumor  est  Sdbaudum  quoque  per  Italiam  iter  facere  ut  Alpibus  Tridentinis  in  Germaniam  veniat.  Et  sane  nihil  ei  spei  restabit  ad  sua  recuperanda,  si  eo  absente  duo  illi  transegerint.  Nostri  Caesarem  de  sua  pollicitatione  appellant.  Interim  tamen  non  secus  tumultuantur,  ac  si  bellum  esset  iam  indictum.  Superiori  mense  visi  sunt  nimis  esse  resides:  nunc  mirum  est  quam  sint  excitati.  Atqui  inter  tantos  motus  mihi  tantum  est  otii  ut  de  uxore  ducenda  cogitare  audeam.7)  Oblata  mihi  erat  puella  quaedam,  nobilis  genere,  et  supra  conditionem  meam  dotata.  Ab  eo  coniugio  duae  rationes  me  absterrebant:  quod  linguam  nostram  non  tenebat,  et  quod  verebar  ne  sui  generis  ac  educationis  nimis  memor  esset.  Frater  eius  vir  pientissimus  instabat,  nec  alia  causa  nisi  quod  ita  erat  amore  mei  excaecatus  ut  se  ipsum  negligeret.  Uxor  etiam  studio  simili  cum  eo  certabat,  ut  dare  manus  propemodum  cogerer,  nisi  me  Dominus  liberasset.  Quum  enim  respondissem,  nihil  me  facturum,  nisi  puella  reciperet  se  linguae  nostrae  discendae  animum  adiecturam,  illa  tempus  ad  deliberandum  petiit.  Statim  igitur  fratrem  meum  cum  bono  quodam  viro  misi,  qui  mihi  alteram  adduceret:  quae,  si  famae  suae  respondeat,  satis  magnam  dotem  sine  ulla  pecunia  secum  adferet.  Mirifice  enim  commendatur  ab  iis  qui  norunt.  Si  veniet,  quod  certo  speramus,  nuptiae  non  ultra  decimum  diem  Martii  proferentur.  Utinam  tunc  adesses,  ut  benediceres  nostro  coniugio.  Sed  quia  te  anno  praeterito  plus  satis  fatigavi,  non  audeo  rogare.  Si  quis  tamen  ex  fratribus  in  animo  haberet  nos  invisere,  optarim  ut  eo  tempore,  quo  vices  tuas  sufficeret.  Quanquam  ridiculum  me  facio  si  contigerit  me  ista  spe  decidere.  Sed  quia  Dominum  mihi  adfuturum  confido,  perinde  ac  de  re  certa  delibero.  Redeo  ad  publicum  statum.  Quoniam  Caesar  per  Londensein8)  indicavit  nostris  principibus,  se  de  conventu  habendo  consilium  non  abiecisse,  ne  imparati  deprehendantur,  iusserunt  Schmalcaldiae  adesse  aliquot  eruditos  viros  qui  de  ordine  actionis  dispiciant.  Bucerus  ante  vicesimum  huius  mensis  eo  profecturus  est.  Vale,  frater  optatissime.  Dominus  te  aliosque  omnes  tuos  collegas  conservet:  quos  meo  nomine  amantissime  salutatus,  nominatim  Capunculum,9)  Corderium  praeceptorem  meum,  Tho-  6)  Amiens.  De  hoc  conventu  rumor  dubius,  nam  mense  Ianuario  Imperator  ex  Hispania  Belgium  petens  aliquot  dies  Parisiis  commoratus  fuerat.  7)  Cf.  N.  172.  8)  legatum  suum  in  conventu  Francofurdensi,  9)  Hunc  omittunt  God.  111,  B.  S.  et  Anglus.