10.1:12  compagnie  qui  estans  adjoinct  auecq  quelque  ministre  requissent  vng  chascun  de  fayre  de  mesmes,  et  cela  seroyt  seulement  pour  ceste  foys,  pourtant  que  on  na  poent  encores  discerne  quelle  doctrine  vng  chascun  tient,  qui  est  le  droict  commencement  dune  esglise.  L  aultre  part  est  des  pseaulmes,  que  nous  desirons  estre  chantes  en  lesglise  comme  nous  en  auons  lexemple  en  lesglise  ancienne  et  mesme  le  tesmoignage  de  S.  Paul,  qui  dict  estre  bon  de  chanter  en  la  congregation  de  bouche  et  de  cueur.  Nous  ne  pouons  concepuoyr  laduancement  et  edification  qui  en  procedera,  sinon  apres  lauoyr  experimente.  Certes  comme  nous  faysons,  les  oraysons  des  fidelles  sont  si  froides,  que  cela  nous  doyt  tourner  a  grand  honte  et  confusion.  Les  pseaulmes  nous  pourront  jnciter  a  esleuer  noz  cueurs  a  Dieu  et  nous  esmouoyr  a  vng  ardeur  tant  de  linuocquer  que  de  exalter  par  louanges  la  gloyre  de  son  nom.  Oultre  par  cela  on  pourra  cognoestre  de  quel  bien  et  de  quelle  consolation  le  pape  et  les  siens  ont  priue  lesglise,  quant  jl  ont  applicques  les  pseaulmes,  qui  doibuent  estre  vrays  champsl)  spirituel,  a  murmurer  entre  eux  sa2)  aulcune  intelligence.  La  maniere  de  y  proceder  nous  a  semble  aduis  bonne  si  aulcungs  enfans,  aux  quelz  on  ayt  auparauant  recorde  vng  chant  modeste  et  ecclesiastique,  chantent  a  aulte  voyx  et  distincte,  le  peuple  escoutant  en  toute  attention  et  suyuant  de  cueur  ce  qui  est  chante  de  bouche  jusque  a  ce  que  petit  a  petit  vng  chascun  se  accoustemera  a  chanter  communement,  Mays  affin  de  euiter  toute  confusion  jl  seroyt  besoing  que  vous  ne  permettes  que  aulcun  par  son  insolence,  pour  auoyr  en  jrrision  la  saincte  congregation,  vienne  a  trouble  lordre  qui  y  sera  mis.  Le  3e  article  est  de  linstruction  des  enfans,  lesqueulx  sans  doubte  doibuent  a  lesglise  vne  confession  de  leur  foy.  Pour  ceste  cause  anciennement  en3)  auoyt  certain  catechisme  pour  jnstituer  vng  chascun  aux  fondemens  de  la  religion  crestienne,  et  qui  estoyt  comme  vng  formulayre  de  tesmoignage  dont  vng  chacun  usoyt  pour  declairer  sa  crestiente,  et  nommeement  les  enfans  estoyent  enseignez  de  ce  cathecisme  pour  venir  testiffier  a  lesglise  leur  foy  dont  jl  nauoyent  peu  rendre  tesmoignage  a  leur  baptesme.  Car  nous  voyons  que  lescripture  nous  a  conjoinct  tousjours  la  confession  auecq  la  foy,  et  nous  dict  que  si  nous  croyons  veritablement  de  cueur  a  justice  quil  nous  fault  confesser  de  bouche  a  salut  ce  que  nous  auons  creu.  Or  si  ceste  ordonnance  a  jamays  este  propre  et  connenable  elle  est  maintenant  plus  que  necessayre,  veu  le  mespris  de  1)  chants  2)  sans.  3)  on.