7:119  119  BRIEVE  INSTRUCTION  120  liens  de  son  corps:  comme  il  l'exprime  plus  clairement  en  un  autre  passage  (Rom.  7,  23;  8,  22).  Puis  il  adiouste,  que  son  attente  est  d'estre  avec  nostre  Seigneur  Iesus,  quand  son  ame  sera  separee  du  corps.  Et  de  faict,  s'il  n'estoit  ainsi,  ce  qu'il  dict  en  un  autre  passage  ne  conviendroit  point,  qu'il  n'y  a  ne  vie  ne  mort  qui  nous  separe  de  la  dilection  que  Dieu  nous  porte  (Rom.  8,  37).  Car  si  en  la  mort  nous  perissons,  ou  que  nostre  ame  perde  sa  vie,  comment  pourra  consister  l'amour  de  Dieu  envers  nous?  Mais  cela  est  beaucoup  plus  apertement  deduict  en  un  autre  passage,  quand  il  dict  (2  Cor.  5,  1  ss.):  Nous  savons  que  si  nostre  domicille  terrestre,  du  tabernacle  de  nostre  corps,  est  destruict,  que  nous  avons  un  edifice  au  ciel  de  par  Dieu,  qui  n'est  point  faict  de  mains.  Parquoy  estans  en  ce  tabernacle,  nous  gemissons  comme  estans  grevez,  non  pas  que  nous  desirions  d'estre  despouillez,  mais  revestus:  afin  que  nostre  mortalite  soit  engloutie  par  la  vie.  Toutesfoys  nous  avons  tousiours  bon  courage,  sachant  que  quand  nous  sommes  en  nostre  corps,  nous  sommes  comme  esloignes  de  Dieu.  [page  144]  D'autant  que  nous  cheminons  par  foy,  et  non  point  par  regard.  Mais  nous  avons  ceste  confiance  et  ce  desir;  d'estre  separez  du  corps,  et  iouyr  de  la  presence  de  Dieu.  Pource  qu'il  est  la  faict  mention  du  iour  du  iugement,  les  Anabaptistes  s'efforcent  de  tout  envelopper,  afin  d'attirer  a  ce  iour  la  toutes  |les  parolles  de  l'Apostre.  Mais  ilz  ne  peuvent  tant  faire  que  la  verite  ne  soit  plus  forte,  pour  se  maintenir  contre  leurs  calumnies.  Car  l'Apostre  dict  expressement  que  l'homme  fidele  departant  du  corps  va  avec  Dieu,  duquel  il  avoit  este  absent  en  ce  monde.  Puis  apres  il  adiouste,  que  tant  en  absence  qu'en  presence,  nous  mettons  peine  de  plaire  a  Dieu,  en  attendant  qu'il  nous  faille  trouver  devant  son  siege  iudicial.  Il  faut  qu'un  homme  soit  bien  obbtine,  et  plus  qu'endurcy  contre  toute  raison,  quand  il  ne  voudra  acquiesser  a  ces  parolles.  Or  est-il  ainsi  que  les  Anabaptistes,  au  lieu  que  sainct  Paul  dict,  que  par  la  mort  nous  approchons  de  Dieu,  font  a  croire  que  nous  en  recullons,  et  en  sommes  plus  eslongnes  qu'en  la  vie  presente.  Qu'ainsi  soit,  il  est  escrit  que  celuy  qui  croit  au  Filz  de  Dieu,  n'entrera  point  en  condamnation:  mais  est  desia  passe  de  mort  a  vie  (Iehan  5,  24).  Si  la  vie  eternelle  est  desia  commence  [page  145]  en  nous,  quelle  absurdite  est-ce,  de  dire  qu'en  la  mort  il  y  eust  interruption?  Si  nous  sommes  desia  entrez  au  Royaume  de  Dieu,  quel  propos  y  a  il  de  nous  en  faire  sortir  a  la  mort  ou  pour  le  moins,  nous  faire  aller  en  reculons,  comme  les  escrevices?  Le  Royaume  de  Dieu  est  en  vous,  dict  nostre  Seigneur  Iesus  (Luc  17,  20):  qu'emporte  cela,  si  non  que  nous  avons  desia  la  racine  de  vie  qui  ne