6:119  LE  CATECHISME  DE  GENEVE.  LE  MINISTRE.  Ceste  grace  est-elle  accomplie  indifferemment  en  tous?  L'ENFANT.  Non.  Car  plusieurs  l'aneantissent  par  leur  perversite.  Neantmoins  si  ne  laisse  pas  le  Sacrement  d'avoir  telle  nature,  combien  qu'il  n'y  ait  que  Ies  fideles  qui  en  sentent  l'efficace.  LE  MINISTRE.  La  regeneration  dont  prend-elle  sa  vertu?  L'ENFANT.  De  la  mort  et  resurrection  de  Christ.  Car  sa  mort  a  ceste  vertu,  que  par  icelle  nostre  vieil  Adam  est  crucifie,  et  nostre  nature  vitieuse  est  comme  ensevelie,  pour  n'avoir  plus  vigueur  de  regner.  Et  la  nouveaute  de  vie,  pour  suyvre  la  iustice  de  Dieu,  procede  de  la  resurrection.  LE  MINISTRE.  Comment  ceste  grace  nous  est-elle  appliquee  au  Baptesme?  L'ENFANT.  Entant  que  nous  sommes  la  vestuz  de  Iesus  Christ,  et  y  recevons  son  Esprit:  moyennant  que  nous  ne  nous  rendions  pas  indignes  des  promesses  qui  nous  y  sont  donnees.  LE  MINISTRE.1)  De  nostre  coste,  quel  est  le  droict  usage  du  Baptesme?  L'ENFANT.  [fol.  61]  II  gist  en  Foy,  et  en  repentance.  C'est  que  nous  soyons  certains  d'avoir  nostre  purete  spirituelle  en  Christ,  et  sentions  en  nous  et  declarions  a  noz  prochains  par  oeuvres,  que  l'Esprit  d'iceluy  habite  en  nous,  pour  mortifier  noz  propres  desirs,  afin  de  nous  faire  suyvre  la  volunte  de  Dieu.  LE  MINISTRE.2)  Puis  que  cela  y  est  requis:  comment  est-ce  qu'on  baptise  les  petis  enfans?  L'ENFANT.  Il  n'est  pas  dict  que  la  Foy,  et  la  repentance  doyvent  tousiours  preceder  la  reception  du  Sacrement:  mais  seulement  cela  doit  estre  en  ceux  qui  en  sont  capables.  Il  suffit  donc  que  les  petis  enfans  produisent  et  demonstrent  le  fruict  de  leur  baptesme,  ajpres  estre  venuz  en  eage  de  congnoissance.