58:119  119  HUITIEME  SERMON  120  que  Dieu  nous  promet,  et  defait,  nous  voudrions  ici  faire  nostre  paradis,  et  ne  penserions  point  plus  outre,  mais  tous  nos  sens  seroient  ici  assouppis,  si  Dieu  nous  donnoit  dequoy  nous  contenter  en  tout  et  par  tout.  Voila  pourquoy  il  nous  donne  seulement  quelque  goust  de  sa  bonte,  pour  nous  attirer  plus  loin.  Mais  quoy  qu'il  en  soit,  si  faut-il  encore  que  nous  cognoissions  en  partie,  que  Dieu  nous  est  Pere,  non  seulement  par  le  tesmoignage  que  nous  en  avons  de  sa  bouche,  mais  par  les  benedictions  qu'il  nous  eslargit.  Et  ici  nous  contemplons  tous  les  deux,  au  recit  qu'en  fait  Moise:  c'est  assavoir,  que  Dieu  benit  les  siens,  en  sorte  qu'ils  ont  occasion  de  se  resiouir  en  lui:  et  cependant  toutefois  qu'il  leur  taille  leurs  morceaux  en  telle  portion,  que  tousiours  il  faut  qu'ils  gemissent,  estans  en  ce  monde,  et  qu'ils  soient  solicitez  d'aspirer  plus  loin.  Voila  Isaac  qui  prospere,  qui  croist  et  s'augmente,  comme  Moise  en  parle:  et  il  ne  dit  pas  seulement,  que  Dieu  l'a  benit  pour  un  coup:  mais  il  est  multiplie  tellement,  qu'il  va  tousiours  en  croissant,  et  est  enrichi  tant  et  plus.  Or  d'autre  coste  il  adiouste,  Que  les  Philisthim  ont  eu  envie  sur  luy.  Nous  voions  comme  Isaac  a  tellement  eu  dequoy  se  resiouyr  en  Dieu,  pour  la  prosperite  qui  lui  estoit  donnee,  que  cependant  il  a  falu  que  Dieu  le  reueillast  et  qu'il  y  eust  de  l'amertume  meslee  parmi  la  douceur.  Ce  lui  estoit  une  grande  resiouissance  quand  Dieu  le  multiplioit  ainsi  a  veue  d'oeil:  c'estoit  comme  un  miroir  pour  declarer  a  tous  les  Philisthins,  que  c'estoit  de  servir  a  Dieu,  et  de  se  fier  en  lui:  mais  cependant  il  faut  que  cela  lui  tourne  en  fascherie,  et  en  pique,  et  qu'il  soit  moleste.  Nous  voions  donc  comme  Dieu  attrempe  tellement  les  benefices  qu'il  eslargist  a  ses  enfans  (ie  di  les  benefices  temporels  qui  concernent  ceste  vie  caduque)  que  iamais  ils  ne  s'y  peuvent  tenir  ne  reposer  du  tout.  Or  cependant  on  pourroit  encores  ici  faire  une  question,  Pourquoy  c'est  que  Dieu  a  fait  tellement  prosperer  Isaac,  que  les  habitans  du  pais  se  soient  eslevez  contre  lui.  Ne  valoit-il  pas  mieux  qu'il  demeurast  en  estat  moien,  et  qu'il  vesquist  paisible  sous  sa  tente,  que  d'estre  tellement  enrichi,  que  chacun  lui  face  la  guerre,  et  qu'on  ne  le  puisse  souffrir,  craignant  qu'il  ne  vueille  dominer,  et  suppediter  les  autres?  Si  Dieu  eust  tenu  un  tel  moien,  il  semble  que  cela  eust  este  plus  profitable  a  Isaac.  Pourquoy  donques  est-ce  qu'il  le  multiplie,  et  que  cela  est  cause  qu'il  soit  dechasse,  et  que  mesme  il  n'ait  point  d'eau  ne  pour  lui  ne  pour  sa  famille,  ne  pour  son  bestail?  Or  Dieu  sait  tellement  disposer  le  tout,  que  s'il  fait  prosperer  ses  serviteurs,  il  leur  monstre  qu'ils  se  doivent  tenir  a  lui,  et  qu'ils  ont  occasion  de  le  benir.  Et  cepen-