52:119  119  EPIST.  PAULI  AD  COLOSSENSES  120  Ea  vero,  quae  iam  patent  oculis,  non  sperantur.  Neque  vero  tantum  mundi  opinione  vitam  absconditam  esse  docet,  sed  etiam  quoad  sensum  nostrum  :  quia  hoc  verum  et  necessarium  est  spei  nostrae  experimentum,  ut  tanquam  morte  circumdati  vitam  alibi  quaeramus  quam  in  mundo.  4.  Ubi  autem  apparuerit.  Pulchra  consolatio,  quod  adventus  Christi  vitae  nostrae  erit  manifestatio.  Et  simul  admonet  quam  praepostera  sit  futura  cupiditas,  si  quis  recuset  ad  illum  usque  diem  sustinere.  Nam  si  vita  nostra  in  Christo  inclusa  est,  donec  ipse  apparuerit,  latere  eam  oportet.  5.  Mortificate  igitur  membra  vestra,  quae  sunt  super  terram,  scortationem,  immunditiam,  mollitiem,  concupiscentiam  malam,  et  avaritiam,  quae  est  idololatria.  6.  Propter  quae  venit  ira  Dei  in  filios  inoboedientiae,  7.  in  quibus  vos  quoque  ambulabatis  ali'  quando  quum  viventis  in  illis.  8.  Nunc  autem  deponite  et  vos  omnia,  iram,  indignationem,  malitiam,  maledicentiam,  turpiloquentiam  ex  ore  vestro.  5.  Mortificate  igitur.  Hactenus  de  contemptu  mundi  loquutus  est:  nunc  longius  provehitur,  et  ingreditur  altiorem  philosophiam  de  carnis  mortificatione.  Ut  hoc  clarius  fiat,  notemus  duplicem  esse  mortificationem.  Prior  respicit  ad  ea  quae  circa  nos  sunt,  de  qua  hactenus  egit.  Altera  est  interior:  nempe  ingenii  et  voluntatis,  totiusque  naturae  nostrae  corruptae.  Vitia  autem  quaedam  enumerat,  quae  impropie  vocat  membra,  sed  tamen  eleganter.  Naturam  enim  nostram  quasi  massam  ex  diversis  vitiis  conflatam  imaginatur.  Membra  igitur  nostra  sunt,  quae  veluti  affixa  nobis  haerent.  Terrena  etiam  appellat,  alludens  ad  illud  quod  dixerat,  Non  quae  super  terram:  alio  tamen  sensu.  Perinde  autem  valet  haec  loquutio  ac  si  dixisset:  Admonui  terrena  esse  negligenda:  in  hoc  tamen  laborandum  est  ut  vitia,  quae  vos  in  terra  detinent,  mortificetis.  Significat  autem  nos,  quamdiu  vitia  carnis  nostrae  in  nobis  vigent,  esse  terrenos:  coelestes  autem  fieri  renovatione  spiritus.  Scortationi  subiungit  immunditiem:  quo  nomine  omnes  lascivias  designat,  quibus  se  libidinosi  homines  conspurcant.  His  additur  rca&oc,  hoc  est  m  o  l  l  i  t  i  e  s  ,  quae  omnes  libidinis  illecebras  comprehendit.  Quamquam  haec  vox  alioqui  animi  perturbationes  significat,  atque  intemperantes  motus  praeter  rationem:  sed  huic  loco  non  male  congruit  mollities.  Cur  avaritia  dicatur  simulacrorum  cultus,  pete  ex  epistola  ad  Ephesios,  ne  bis  idem.  6.  Propter  quae  venit.  Non  reprehendo  quod  transtulit  Erasmus:  Venire  solet.  Quia  tamen  praesens  tempus  loco  futuri  saepe  capitur  in  scriptura,  ex  consuetudine  linguae  hebraicae:  malui  relinquere  mediam  lectionem,  quae  ad  utrumque  sensum  aptari  posset,  Ergo  aut  de  usitatis  Dei  iudiciis  admonet