50:119  119  EPIST.  PAULI  AD  CORINTHIOS  II  120  non  ad  destruendum.  Nam  quod  destruit,  aliunde  est:  ex  culpa  hominum  scilicet,  dum  in  lapidem  impingunt,  qui  illis  ordinatus  erat  in  fundamentum.  Quod  interitu  veteris  hominis  instauramur  in  imaginem  Dei,  id  nihil  repugnat  Pauli  verbis.  Tunc  enim  destructio  in  bonam  partem  capitur:  hic  vero  in  malam,  pro  ruina  eius  quod  Dei  est:  vel  pro  animae  exitio,  ac  si  diceret:  non  esse  noxiam  illis  potestatem,  cuius  utilitas  in  salutem  conspicua  est  9.  Ne  videar  terrere.  Iterum  calumniam  attingit  quam  prius  refutaverat:  nempe  quod  scriptis  audax  coram  esset  abiectus.  Hoc  praetextu  elevabant  eius  scripta.  Quid,  dicebant,  proculne  epistolis  nos  terrebit  qui  si,  coram  adesset,  vix  auderet  hiscere?  Ne  ergo  minus  ponderis  haberent  suae  epistolae,  respondet,  nihil  sibi  obiici  quod  fidem  sibi  ac  doctrinae  suae  abrogare  aut  derogare  debeat.  Neque  enim  minoris  faciendus  est  effectus  quam  sermo.  Coram  operibus  non  minus  pollebat  quam  absens  sermone.  Ergo  iniquum  fuit,  corporalem  eius  praesentiam  contemptibilem  iudicari.  Opus  hic  appellat  (meo  iudicio)  tam  efficaciam  praedicationis  et  successum,  quam  dignas  apostolo  virtutes  et  totam  vitae  suae  rationem.  Sermo  vero  non  ipsam  doctrinae  substantiam  significat,  sed  figuram  duntaxat  et  quasi  corticem:  nam  pro  doctrina  vehementius  pugnasset.  At  inde  oriebatur  contemptus,  quod  eum  deiiciebat  eloquentiae  ornatus  et  splendor,  qui  gratiam  conciliat.  12.  Non  enim  audemus  nos  quibusdam  inserere  aut  comparare,  qui  se  ipsos  commendant  Verum  ipsi  in  se  ipsis  se  metientes,  et  se  ipsos  comparantes,  sibi  non  sapiunt  13.  Nos  autem  non  sine  modo  gloriabimur^  sed  pro  mensura  regulae  quam  nobis  distribuit  Deus:  mensura,  inquam,  perveniendi  etiam  usque  ad  vos.  14.  Non  enim  quasi  ad  vos  non  perveniremus,  supramodum  extendimus  nos  ipsos:  siquidem  usque  ad  vos  pertigimus  in  evangelio  Christi.  15.  Non  gloriantes  sine  modo  in  alienis  laboribus,  spem  autem  habentes,  crescente  fide  vestra  in  vobis,  nos  magnificatum  iri  secundum  nostram  regulam  in  exuberantiam,  16.  ut  etiam  ultra  vos  evangelizem,  non  in  aliena  regula,  ut  de  iis,  quae  parata  sunt,  glorier.  17.  Caeterum  qui  gloriatur,  in  Domino  glorietur.  18.  Non  enim  qui  se  ipsum  commendat,  ille  probatus  est:  sed  quem  Dominus  commendat.  12.  Non  enim  audemus.  Ironice  hoc  dicit.  Neque  enim  se  illis  postea  audacter  aequiparat  tantum:  sed  derisa  eorum  vanitate,  longe  a  tergo  eos  relinquit.  Hac  autem  ironia  pungit  non  modo  illos  thrasones,  sed  etiam  Corinthios,  qui  illorum  stultitiam  fovebant  perversa  sua  approbatione.  Ego,  inquit,  contentus  sum  mea  mediocritate:  neque  enim  miscere  me  auderem  vestris  apostolis,  qui