44:119  119  IN  HAGGAEUM  120  convictos  ingratitudinis,  quod  posthabito  Dei  cultu,  tantum  sequuti  fueritis  privata  commoda.  Hoc  unum  est.  Iam  posterius  membrum  continet  promissionem:  et  inde  melius  potuit  confirmari  haec  doctrina,  quum  populus  videret  subito  et  praeter  spem  res  in  melius  conversas  esse.  Laboraverant  frugum  inopia  multis  annis:  ubi  autem  sequitur  repentina  ubertas,  haec  mutatio  nonne  aliquid  ostendit  consideratione  dignum?  Praesertim  ubi  praedicitur  hoc  antequam  evenerit,  et  antequam  humanis  coniecturis  possit  quidquam  statui?  Videmus  ergo  duabus  rationibus  insistere  prophetam,  ut  Iudaei  damnent  suam  segnitiem,  et  fateantur  se  impios  fuisse  et  malignos  erga  Deum,  quia  contempserint  aedificationem  templi  :  deinde  ut  eos  animet,  et  alacriores  reddat  ad  opus  inceptum,  proponit  illis,  ut  iam  dixi,  quod  contigerat.  Deus  autem  satis  superque  testatus  fuerat  multiplici  poenarum  genere  se  illis  esse  offensum.  Iam  quum  promittit  se  alium  fore,  hinc  etiam  sequitur  nova  et  maior  confirmatio.  Sed  hic  posset  quispiam  excipere,  non  esse  haec  certa  argumenta  vel  perpetua,  quoniam  saepe  continget,  ubi  fideliter  operam  suam  impendet  populus  Deo  colendo,  ut  tamen  rebus  adversis  prematur:  imo  Deus  consulto  saepius  examinat  suorum  fidem,  dum  ita  occultat  benedictionem  suam  ad  tempus.  Sed  solutio  facilis  est.  Fateor  igitur  non  raro  accidere,  ut  qui  sincere,  et  ex  animo  Deum  colent,  tamen  fraudentur  terrenis  commodis:  quia  scilicet  vult  Deus  eos  attollere  ad  spem  remunerationis  aeternae.  Data  igitur  opera  saepe  Deus  benedictionem  suam  subducit  a  fidelibus,  ut  esuriant  in  mundo,  quasi  ipsum  colendo  luderent  operam.  Sed  propheta  etiam  noluit  proponere  hic  argumentum  perpetuum:  quando  satis  habuit  Iudaeos  convincere  ab  ipsa  experientia,  quoniam  nihil  obstabat  quominus  agnoscerent  suam  avaritiam  displicuisse  Deo,  nisi  quod  erant  nimium  bruti.  Ergo  propheta  hic  obiurgat  socordiam  illam,  quod  dum  valde  satagerent  ad  sese  locupletandos,  non  tamen  observaverint  laborem  suum  esse  irritum,  quod  Deus  e  coelo  ipsis  malediceret.  Hoc  ergo  poterat  facile  ab  ipsis  cognosci,  nisi  quod  sese  obstupefecerant  in  suis  vitiis.  Quod  autem  propheta  hic  testatur  uberem  fore  proventum  et  vini,  et  triciti,  et  olei,  et  aliarum  frugum,  hoc  efficacius  fuit,  quemadmodum  dixi,  ad  confirmationem.  Iam  si  quis  rursus  obiiciat:  non  fuisse  hoc  operae  pretium,  quia  Deo  non  placet  cultus  servilis  et  mercenarius:  respondeo,  talibus  saepe  rudimentis  Deum  stimulare  homines,  quum  nimis  tardos  et  pigros  esse  videt:  postea  autem  eos  adducere  aliis  rationibus,  ut  vere  et  ex  animo  ipsum  colant.  Si  quis  ergo  tantum  ut  ventrem  suum  saturet  obsequitur  Deo,  perinde  est  ac  si  quis  operam  locaret  in  singulos  dies,  et  referret  mercedem,  deinde  negligeret  eum  a  quo  conductus  est.  Certum