27:119  119  SERMON  LXXVII.  120  prins  racine  en  nous,  que  nous  l'ayons  receue  d'une  affection  cordiale  pour  nous  addonner  a  Dieu.  Or  encores  n'est-ce  point  le  tout,  et  Dieu  ne  se  contente  point  qu'un  chacun  s'efforce  de  profiter,  et  qu'on  applique  son  estude  a  la  Loy  de  Dieu:  mais  il  veut  aussi  que  les  peres  enseignent  leurs  enfans.  En  quoy  il  monstre  (comme  desia  nous  avons  traitte  ci  dessus)  que  ce  n'est  point  assez  que  nous  servions  Dieu  nostre  vie  durant:  mais  que  nous  devons  procurer  qu'il  y  demeure  semence  de  religion  apres  nous.  Car  nous  sommes  caduques,  et  ce  n'est  qu'un  ombrage  de  nostre  vie:  mais  d'autant  que  la  verite  de  Dieu  est  immortelle,  c'est  bien  raison  qu'elle  persiste  a  iamais,  et  que  de  main  en  main  elle  soit  gardee,  et  que  les  nommes  mettent  peine  a  cela:  et  sur  tout  quand  Dieu  a  donne  des  enfans,  ii  faut  qu'on  sache  que  c'est  un  thresor,  et  qu'on  aura  a  en  rendre  conte.  Car  ce  n'est  pas  un  petit  honneur  que  Dieu  fait  aux  hommes  et  aux  femmes,  que  de  leur  donner  des  enfans.  Voila  des  creatures  formees  a  l'image  de  Dieu,  et  nous  les  appellons  la  semence  de  l'Eglise:  puis  que  Dieu  nous  les  commet  en  garde,  c'est  bien  raison  que  nous  taschions  a  les  endoctrines  et  que  Dieu  soit  servi  d'eux:  et  quand  la  religion  aura  dure  tout  au  long  du  cours  de  nostre  vie,  qu'apres  nostre  trespas  elle  persiste  et  continue.  Or  ici  nous  voyons  nostre  nonchalance,  mesme  nostre  malice:  car  non  seulement  il  y  a  de  la  paresse,  mais  nous  voyons  que  la  pluspart  fuyent,  et  reculent  tant  qu'il  leur  est  possible  d'estre  enseignez  en  la  parolle  de  Dieu:  si  on  leur  en  parle,  c'est  pour  les  fascher:  que  s'ils  savent  qu'on  doit  tenir  propos  de  quelque  bonne  doctrine,  ils  n'ont  garde  d'en  approcher.  Et  on  voit  que  beaucoup  sont  pires  que  Turcs,  estans  ensorcelez  de  leurs  folles  opinions:  que  si  tost  que  la  cloche  sonnera,  quand  nous  sommes  conviez,  et  solicitez  d'ouyr  iournellement  la  parolle  de  Dieu,  ils  s'en  iront  d'autre  coste.  Et  qu'ainsi  soit,  combien  y  en  a-il  qui  s'en  reculent  tant  qu'ils  peuvent?  Et  mesmes  ils  boucheroyent  volontiers  les  aureilles,  quand  ils  viennent  ici:  d'autant  qu'ils  sont  preoccupez  de  leurs  meschantes  affections,  et  mesmes  le  diable  les  a  tellement  enyvrez,  que  iamais  ne  prendront  goust  a  un  seul  mot  qu'on  leur  dise:  mesmes  iis  se  faschent  si  tost  qu'on  leur  met  en  avant  quelque  propos  de  Dieu.  De  l'instruction  des  enfans,  on  voit  quelle  elle  est:  que  les  peres  ne  veulent  point  que  leurs  enfans  soyent  meilleurs  qu'eux,  souventesfois  ils  craignent  qu'ils  ne  leur  facent  deshonneur.  Et  s'ils  ont  mesprise  Dieu  tout  le  temps  de  leur  vie,  ils  sont  contens  que  leurs  enfans  le  despittent  pleinement,  et  au  double:  mais  tant  y  a  que  de  la  doctrine,  si  on  en  a  quell  e  soin,  ce  n'est  que  par  acquit,  et  par  courvee.  r  tant  y  a  que  nous  en  sommes  tellement  instruits