10.1:119  ORDONNANCES.  ville,  comme  incorrigible.  Et  toutesfois  encor  qu'il  recognust  sa  faute,  pour  avoir  reiette  les  admonitions  du  Consistoire,  qu'il  soit  chastie  a,  la  discretion  de  Messieurs,  et  renvoye  pour  reparer  le  scandale  qu'il  aura  faict  se  monstrant  ainsi  rebelle.  Pareillement  si  quelcun  apres  avoir  este  exhorte  comme  dit  est,  et  apres  avoir  promis  de  la  recevoir  n'en  fait  rien:  qu'il  soit  appele  pour  estre  redargue  de  son  hypocrisie  et  fiction.  Et  si  pour  la  seconde  [page  49J  fois  ii  est  conveincu  d'avoir  abuse  et  frustre  le  Consistoire,  qu'il  y  ait  semblable  punition  comme  dessus.  Quand  la  Cene  sera  pour  une  fois  seulement  defendue  a  quelcun  a  cause  de  scandale  par  lui  commis,  si  par  despit  ou  autrement  il  laisse  d'y  venir  plus  long  temps,  si  estant  appele  au  Consistoire  il  ne  se  veut  reduire  :  qu'il  en  soit  faict  comme  dessus.  Si  quelcun  pour  sa  rebellion,  ou  pour  demeurer  obstine  en  ses  fautes,  ou  pour  estre  trouve  indigne  de  la  saincte  communion  en  est  interdici,  et  au  lieu  de  s'humilier  il  se  monstre  contempteur  de  l'ordre  de  l'Eglise,  et  ne  vienne  de  son  bon  gre  recognoistre  sa  faute  en  Consistoire,  tellement  que  par  l'espace  de  six  mois  il  s'abstienne  de  la  Cene,  qu'il  soit  appele  et  exhorte  a  se  reduire.  Que  s'il  persiste  iusques  au  bout  de  l'an,  sans  se  corriger  pour  les  admonitions  a  lui  faites:  qu'il  soit  banni  aussi  pour  un  an  comme  incorrigible,  sinon  qu'il  previenne  en  demandant  pardon  a  Messieurs,  et  recognoissant  sa  faute  en  Consistoire  pour  estre  admis  a  la  communion.  Si  quelcun  par  contumace  ou  rebellion  se  vouloit  ingerer  contre  la  defense,  l'office  du  Ministre  sera  de  le  renvoyer,  veu  qu'il  ne  lui  est  licite  de  le  recevoir  a  la  communion:  et  neantmoins  que  tout  cela  soit  tellement  modere,  qu'il  n'y  ait  rigueur  aucune  dont  personne  soit  greve,  et  mesmes  que  les  corrections  ne  soyent  sinon  medecines,  pour  reduire  les  pecheurs  a  nostre  Seigneur.  [page  50]  Et  que  tout  cela  se  face  en  telle  sorte  que  les  Ministres  n'ayent  aucune  iurisdiction  civile,  et  que  par  ce  Consistoire  ne  soit  en  rien  derogue  a,  l'authorite  de  la  Seigneurie  ni  a  la  Iustice  ordinaire:  ains  que  la  puissance  civile  demeure  en  son  entier:  et  mesmes  ou  il  sera  besoin  de  faire  quelque  punition  ou  contraindre  les  parties,  que  les  Ministres  avec  le  Consistoire,  ayans  ouy  les  parties  et  faict  les  remonstrances  et  admonitions  telles  que  bon  sera,  ayent  a  rapporter  le  tout  au  Conseil,  lequel  sur  leur  relation  advisera  d'en  ordonner  et  faire  iugement  selon  l'exigence  du  cas.