9:118  multi  ad  sacram  mensam  quotidie  accedunt,  quos  negligentia  et  torpor  praesenti  coenae  fructu  privat,  qui  tamen  postea  expergefacti  profectum  sentire  incipiunt?  Quis  nullos  Christi  participes  dicere  audeat,  nisi  qui  in  ipsa  coenae  actione  eum  recipiunt?  Quod  excipit  Westphalus,  hoc  totum  non  obstare  quo  minus  prosint  sacramenta  dum  administrantur,  facilis  solutio  est:  prodesse  quidem  ut  semen,  dum  in  terram  proiicitur,  quod  licet  non  eodem  momento  agat  radicem,  vel  germinet,  non  tamen  est  inutile  :  quia  nisi  hoc  modo  satum  temporis  successu  germen  non  emitteret.  Efficax  tandem  est  baptismus,  licet  non  eodem  quo  peragitur  momento  efficaciam  suam  proferat.  Reclamat  Westphalus,  non  relegandam  esse  eius  virtutem  in  longas  annos,  ac  si  non  regigneret  Deus  infantes  simul  ac  baptizantur.  Ut  hoc  obtineat,  probandum  est  semper  regigni.  Nam  [pag.  168]  sicut  catholicum  theorema  non  statuo,  ita  enstasis  !)  quam  adduco  manifesta  est,  ne  ad  temporis  articulum  alligetur  vis  baptismi  vel  coenae.  Implet  Deus  quoties  visum  est,  ac  repraesentat  effectu  praesenti  quod  in  sacramento  figurat.  Sed  nulla  hic  necessitas  fingenda  est,  quin  eius  gratia  interdum  praecedat,  interdum  sequatur  signi  usum,  cuius  tamen  dispensationem  autor  ipse  sic  temperat,  ut  a  sacro  symbolo  non  separet  spiritus  sui  virtutem.  Porro  quam  intempestive  huc  torqueatur  Augustini  dictum,  facilis  demonstratio  est.  Disputat  contra  Manichaeos  non  esse  in  ipso  regenerationis  exordio  quaerendam  perfectionem,  quia  renovatio  sacro  lavacro  inchoata  profectu  perficitur,  in  aliis  citius,  in  aliis  tardius.  Quid  inde  elicere  quisquam  potest,  nisi  hunc  ordinarium  peragendae  salutis  nostrae  modum  esse  Deo,  ut  eam  in  baptismo  inchoet,  gradatim  toto  vitae  cursu  absolvat?  Sic,  XIV.  de  Trinitate  contra  Catharos  et  Donatistas,  ostendit  non  statim  conferri  plenam  et  solidam  regenerationem,  ut  solida  recipitur  peccatorum  remissio.  Unde  non  protinus  sequitur,  eodem  semper  [pag.  169]  momento,  quo  offertur,  recipi.  Etsi  enim  minime  dubium  est,  quin  ex  parte  Dei,  ut  vulgo  loquuntur,  haec  perpetua  sit  vis  baptismi  et  utilitas,  atque  haec  etiam  ordinaria  dispensandae  gratiae  ratio,  perperam  tamen  quis  inferat,  liberum  gratiae  Dei  cursum  temporum  articulis  astringi.  Venio  ad  secundum  calumniae  membrum.  Effectum  baptismi  a  me  in  dubium  revocari  dicit,  quia  a  praedestinatione  eum  suspendo,  quum  nos  scriptura  ad  verbum  et  sacramenta  dirigat,  et  hac  via  deducat  ad  praedestinationis  et  salutis  certitudinem.  Atqui  nisi  hic  malitiose  figmentum  suum  ingereret,  quod  mihi  nunquam  in  mentem  venit,  nulla  erat  litigandi  occasio.  Multa  scripsi,  et  in  variis  disputationum  generibus  me  Dominus  exercuit.  Si  ex  meis  1)  l'exception.