7:118  de  ce  propos,  d'autant  que  chacun  voit  combien  les  Anabaptistes  [page  141]  ont  este  trompez,  d'user  de  tel  subterfuge.  Ilz  ont  encore  une  autre  cavillation:  Auiourdhuy  signifie  le  temps  du  nouveau  Testament.  Et  pour  prouver  cela,  ilz  abusent  de  ceste  sentence  qui  est  en  l'epistre  aux  Ebrieux  (13,  8),  que  Iesus  Christ,  qui  estoit  hier,  est  auiourdhuy,  et  sera  eternellement.  Mais  ilz  ne  voyent  point,  que  si  on  exposoit  ainsi  le  mot  d'  auiourdhuy,  le  mot  d'hier  signifioit  le  temps  de  l'ancien  Testament,  et  par  ce  moyen  il  s'ensuivroit  que  nostre  Seigneur  Iesus  auroit  commence  d'estre,  qui  seroit  une  grande  absurdite:  d'autant  que  nous  savons  qu'il  est  nostre  Dieu  eternel,  et  mesme  selon  son  humanite,  il  est  nomme  l'aigneau  sacrifie  des  le  commencement  du  monde  (Apoc.  13,  8).  D'avantage  encore,  selon  leur  dire,  nous  pourrions  conclurre,  que  celuy  auquel  Iesus  Christ  a  pardonne  ses  fautes,  doit  entrer  en  paradis  devant  la  resurrection.  Car  l'Apostre  nomme  troys  temps,  desquelz  l'un,  comme  ie  pense,  signifie  le  iour  de  l'ancien  Testament,  et  l'autre  signifie  le  temps  qui  sera  depuis  le  renouvellement  du  monde.  Il  reste  donc,  que  le  mot  d'auiourdhuy  signifie  le  temps  ou  nous  sommes,  qui  est  entre  la  mort  de  Iesus  Christ,  et  son  advenement  dernier.  Et  afin  qu'ilz  puissent  encore  mieux  congnoistre  leur  bestise,  si  Iesus  Christ  eust  promis  [page  142]  paradis  au  brigand  pour  le  iour  du  iugement,  il  convenoit  qu'il  eust  dict:  au  siecle  a  venir,  et  non  pas  auiourdhuy.  Car  c'est  la  coustume  do  parler  de  l'escriture.  Qui  est  ce  qui  ne  les  estimeroit  vaincus  de  si  claire  raison?  Toutesfoys  leur  impudence  est  telle,  qu'encore  ilz  amenent  une  autre  replique,  c'est  que  paradis  a  este  promis  au  brigand  comme  Dieu  denonce  la  mort  d'Adam  et  Heve,  au  iour  qu'ilz  gousteroient  du  fruict  qui  leur  estoit  defendu.  Or  il  est  certain  qu'ilz  ne  moururent  point  ce  iour  la,  mais  long  temps  apres.  Ie  respons  qu'a  l'instant  mesme  qu'Adam  transgressa  la  defence  de  Dieu,  il  mourut  quant  a  l'ame:  d'autant  qu'il  fut  aliene  de  Dieu,  qui  estoit  sa  vraye  vie,  et  fut  assubiecty,  a  la  mort  corporelle.  Et  ainsi  quand  nous  recevrons  leur  glose,  encore  en  despit  d'eux,  aurons  nous  ce  poinct  gagne,  qu'en  ce  iour  la  le  brigand  fut  delivre  de  la  misere  en  laquelle  Adam  estoit  tresbuche  par  sa  faute.  En  somme  nous  conclurrons,  que  tout  ainsi  que  la  mort  avoit  commence  de  regner  en  Adam,  depuis  le  iour  de  sa  transgression,  ainsi  le  brigand  au  iour  que  la  promesse  luy  est  faicte,  commence  d'estre  restitue  en  la  beatitude  de  paradis.  Nous  voyons  comme  sainct  Paul  a  vescu  [page  143]  en  ceste  esperance,  quand  il  dict  qu'il  desire  d'estre  deslie,  pour  vivre  avec  Christ  (Phil.  1,  23).  Premierement  il  use  d'une  belle  propriete,  en  disant  que  l'homme  fidele  par  la  mort  est  delivre  des  8*