52:118  debemus  nisi  coeleste  cogitare,  eo  quod  Christum  sit  in  coelo:  quantominus  ipsum  Christum  in  terra  quaerere  conveniet?  Meminerimus  ergo  hanc  ess��  veram  de  Christo  cogitationem  et  sanctam,  quae  nos  statim  in  coelum  rapit,  ut  ipsum  illic  adoremus��  et  cum  eo  habitent  mentes  nostrae.  Quod  ad  dexteram  Dei  pertinet,  non  est  inclusa  coelo:  sed  totum  mundum  implet.  Eius  porro  mentionem  hic  fecit  Paulus,  ut  significaret  Christum  sua  virtute  nos  complecti:  ne  loci  distantiam  causam  divortii  inter  nos  et  ipsum  putemus  esse:  simul  ut  nos  eius  maiestas  in  sui  reverentiam  totos  efferat.  2.  Non  quae  super  terram.  Non  intelligit,  ut  paulo  post,  vitiosas  cupiditates  quae  regnant  in  hominibus  terrenis:  neque  etiam  opes,  aut  agros,  aut  aedes,  et  quaecumque  alia  praesentis  vitae,  quibus  perinde  utendum  quasi  non  utamur:  sed  adhuc  persequitur  suam  disputationem  de  caeremoniis  quas  similes  tricis  facit,  quae  nos  humi  repere  cogant.  Christus,  inquit,  nos  sursum  ad  se  vocat.  Isti  deorsum  vos  reducunt.  Est  enim  conclusio  et  expositio  eorum  quae  nuper  attigerat  de  interitu  caeremoniarum  per  Christi  mortem.  Ac  si  diceret:  Ideo  caeremoniae  vobis  mortuae  sunt  per  Christi  mortem,  et  vos  illis,  ut,  in  coelum  cum  Christo  sublati,  tantum  superna  cogitetis.  Ergo  terrena  omittite.  Non  contendam  adversus  alios  qui  secus  sentiunt:  sed  certe  videtur  mihi  apostolus  ita  gradatim  procedere,  ut  primum  traditiones  de  rebus  leviculis  opponat  coelestis  vitae  meditationi  :  deinde  ulterius  procedat,  quemadmodum  videbimus.  3.  Mortui  enim  estis.  Resurgere  cum  Christo  non  potest  nisi  qui  prius  fuerit  cum  ipso  mortuus.  Ideo  a  resurrectione  argumentum  ducit  ad  mortem,  tanquam  a  consequente  ad  antecedens,  significans  nos  mundo  oportere  esse  mortuos,  ut  Christo  vivamus.  Superna  cur  docuit  quaerenda  esse?  Quia  sursum  vita  est  piorum.  Cur  nunc  omittenda  docet  quae  sunt  super  terram?  Quia  mundo  sunt  mortui.  Ac  si  diceret:  Resurrectionem,  quam  dixi,  mors  antecedit.  Ergo  utrumque  in  vobis  spectari  oportet.  Dignum  hoc  observatu,  quod  vitam  nostram  dicit  esse  absconditam  :  ne  fremamus,  aut  conqueramur,  si  vita  nostra  sub  ignominia  crucis,  sub  variis  aerumnis  sepulta,  nihil  a  morte  differat:  sed  patienter  exspectemus  revelationis  diem.  Ac  ne  molesta  sit  exspectatio,  notemus  istas  particulas,  in  Deo,  et  cum  Christo:  quae  significant,  extra  periculum  esse  vitam  nostram,  tametsi  non  appareat.  Nam  et  Deus  fidelis  est,  ideoque  non  abnegabit  depositum,  nec  fallet  in  suscepta  custodia:  et  Christi  societas  maiorem  etiamnum  securitatem  affert.  Quid  enim  magis  expetendum,  quam  vitant  nostram  manere  cum  ipso  vitae  fonte?  Quare  non,  est  quod  terreamur,  si  undique  circumspiciente&  vitam  nusquam  cernamus.  Spe  enim  salvi  sumus.