51:118  s'acquitter  de  ce  qui  luy  est  commande.  Car  ce  n'est  point  sans  cause  qu'il  est  dit  que  c'est  un  fardeau  insupportable:  nous  voyons  aussi  nostre  infirmite,  et  la  il  y  a  une  iustice  angelique  que  Dieu  nous  monstre,  comment  donc  est-ii  possible  d'y  parvenir?  Ainsi  en  somme  nul  ne  fait  la  Loy,  si  nous  prenons  ce  mot  pour  une  obeissance  parfaite  et  a  laquelle  il  n'y  ait  que  redire.  Mais  les  fideles  estans  conduits  et  gouvernez  par  l'Esprit  de  Dieu,  font  la  Loy,  c'est  a  dire  qu'ils  cheminent  selon  la  reigle  qui  leur  est  la  donnee:  non  pas  qu'ils  courent  si  viste  comme  ils  devroyent,  ne  qu'ils  parviennent  a  leur  but  du  premier  coup:  mais  tant  y  a  qu'ils  y  tendent,  et  Dieu  les  supporte  et  ne  leur  impute  point  les  fautes  qui  sont  en  eux.  Les  fideles  donc  font  la  Loy.  Or  ici  il  est  parle  de  la  Loy  ceremoniale,  combien  que  cidessus  par  occasion  sainct  Paul  ait  monstre  que  tous  les  commandemens  de  Dieu  ne  scauroyent  apporter  que  condamnation,  sinon  que  nous  ayons  refuge  a  la  grace  de  nostre  Seigneur  Iesus  Christ.  Mais  ici  il  parle  des  ceremonies  et  des  ombres.  Regardons  maintenant  ce  qu'il  entend.  Ceux  (dit-il)  qui  sont  circoncis  ne  font  point  la  Loy:  c'est  a  dire  ils  ont  bien  ce  signe  la  comme  un  estendart  pour  faire  accroire  qu'ils  sont  Iuife,  a  fin  qu'on  ne  les  naisse,  et  qu'ils  ne  soyent  point  persecutez:  mais  cependant  ils  n'observent  point  toute  la  Loy,  car  ils  se  donnent  licence  de  mespriser  tout  ce  qui  devroit  estre  conioint  a  la  Circoncision.  Car  celuy  qui  est  circonci,  il  faut  quant  et  quant  qu'il  sacrifie,  qu'il  s'abstienne  de  manger  les  viandes  defendues  en  la  Loy,  qu'il  garde  les  iours  de  festes  qui  sont  la  ordonnez,  qu'il  use  de  lavemens  et  purgations,  qu'il  ait  ceci  et  cela.  Or  ceux-ci  n'en  tiennent  conte:  quand  ils  sont  en  cachette,  et  qu'ils  ne  sont  point  regardez,  il  ne  leur  chaut  de  rien,  et  ne  font  nul  scrupule  de  mespriser  toutes  les  ceremonies  de  la  Loy.  Ainsi  on  void  qu'ils  ne  le  font  point  par  zele,  mais  seulement  qu'ils  regardent  les  hommes.  Or  il  nous  faut  noter  que  sainct  Paul  parle  ici  de  ceux  qui  insistoyent  qu'on  devoit  estre  circoncis  par  necessite.  Car  sainct  Paul  quelquefois  a  bien  eu  esgard  de  se  conformer  aux  Iuifs,  et  s'est  abstenu  de  la  liberte  qui  luy  estoit  permise,  a  fin  de  ne  engendrer  point  scandale  :  mais  si  est-ce  qu'il  a  tousiours  maintenu  qu'il  n'y  avoit  nulle  obligation.  Ainsi  donc  quand  sainct  Paul  s'est  assuietti  de  son  bon  gre,  il  n'a  pas  voulu  mettre  les  autres  en  servitude:  Comme  ii  proteste  qu'il  ne  veut  mettre  lien  sur  personne.  Il  est  vray  que  c'est  a  un  autre  propos,  quand  il  parle  du  mariage  :  mais  si  est-ce  qu'en  general  il  dit  qu'il  ne  veut  point  astreindre  d'aucun  lien  les  ames  qui  ont  este  rachetees  par  nostre  Seigneur  Iesus  Christ.  Or  donc  voila  comme  sainct  Paul  s'y  est  porte.  8*