31:118  evanescant  robusti  impetus  quibus  ad  nocendum  effertur.  Precatur  quidem  David  ut  Deus  auxilium  suum  et  vindictam  acceleret,  sed  interim  hac  se  consolatione  sustentat,  quod  impii  non  lasciviant  nisi  Dei  permissu:  quia  in  eius  arbitrio  est,  ubi  tribunal  conscenderit,  solo  conspectu  eos  delere.  Et  certe  non  secus  ac  sol  exoriens  nebulas  et  vapores  suo  calore  discutit,  aeremque  obscurum  serenat:  sic  Deus,  ubi  manum  suam  exserit  ad  exsequendas  iudicis  partes,  quidquid  in  mundo  turbulentum  fuit  ac  confusum,  restituit.  Sceleratum  et  improbum  augendi  causa  (meo  iudicio)  posuit:  ac  si  dixisset,  quantumvis  in  sua  malitia  et  impietate  insaniant  improbi,  Deo  tamen  promptum  in  manu  esse  remedium.  16.  Iehova  rex  saeculi  et  semper  :  perierunt  gentes  e  terra  eius.  17.  Desiderium  inopum  exaudisti  Iehova:  diriges*)  cor  eorum:  audiet  auris  tua:  18.  Ut  iudices  pupillum  et  pauperem^  ne  pergat  amplius  terrere  homo  e  terra.  16.  Iehova  rex  saeculi  et  semper.  Nunc  David,  quasi  votis  suis  potitus,  in  sanctam  gratulationem  insurgit.  Nam  quod  Deum  appellat  aeternum  regem  fiduciae  et  laetitiae  testimonium  est.  Regis  nomine  mundi  gubernandi  partes  ei  asserit:  aeternitas  vero  regni  huc  spectat,  temporum  angustiis  perperam  ipsum  includi.  Nam  quia  brevis  est  humanae  vitae  transitus,  etiam  qui  maximis  imperiis  pollent  mortales,  servos  suos  ut  plurimum  frustantur  :  sicuti  Psalmus  146,  3  admonet,  non  esse  fidendum  in  principibus,  vel  filiis  hominum  in  quibus  non  est  salus:  quia  exibit  spiritus  eorum,  et  revertetur  in  terram  suam  :  quia  peribunt  omnes  eorum  cogitationes.  Saepe  enim  vires  eos  deficiunt,  et  dum  tardius  se  ad  iuvandum  accingunt,  occasio  illis  effluit.  Atqui  de  coelesti  rege  magis  honorifice  sentiendum,  quia  si  non  statim  exsequitur  sua  iudicia,  semper  eadem  penes  ipsum  et  integra  facultas  manet:  denique  non  sibi  privatim,  sed  nobis  in  aeternum  et  usque  regnat:  ne  quid  illum  impediat  longior  mora,  quo  minus  opportune  ad  opem  mortuis  vel  desperatis  ferendam  manum  extendat.  Perierunt  gentes.  Sensus  est,  terram  sanctam  inquinamentis  et  sordibus,  quibus  polluta  fuerat,  purgatam  demum  esse.  Indigna  enim  erat  illa  profanatio,  quum  terra  in  haereditatem  data  populo  Dei  sanctisque  eius  cultoribus  dicata,  impios  et  scelestos  incolas  aleret.  Neque  enim  per  gentes  exteros  nominat,  sed  hypocritas  qui  Dei  nomine  iniuste  gloriabantur:  sicuti  hodie  plerique  titulo  tenus  Christiani  locum  in  ecclesiae  gremio  occupant.  Nec  vero  novum  est  prophetis  apostatas,  qui  a  sanctis  *)  tu  disposeras,  en  marge:  ou  fortifieras.