10.1:118  l'Eglise.  Et  s'ils  ne  vouloyent  venir  aucunement  a  raison,  ni  recognoistre  leur  faute  quand  ils  en  seront  conveincuz,  qu'on  leur  denonce  qu'ils  ayent  a  s'abstenir  do  [page  47]  la  Cene,  iusques  a  ce  qu'ils  reviennent  en  meilleure  disposition.  Quant  est  des  vices  notoires  et  publics,  que  l'Eglise  ne  peut  pas  dissimuler:  si  ce  sont  fautes  qui  meritent  seulement  admonition,  l'office  des  Anciens  commis  sera,  d'appeler  ceux  qui  en  seront  coulpables,  leur  faisant  remonstrance  amiable,  afin  qu'ils  s'en  corrigent.  Et  si  l'on  y  voit  amendement,  ne  les  plus  molester:  mais  s'ils  perseverent  a  mal  faire,  qu'on  les  admoneste  derechef.  Et  si  a  la  longue  on  n'y  profitoit  rien,  leur  denoncer  comme  a  contempteurs  de  Dieu,  qu'ils  ayent  a  s'abstenir  de  la  Cene  iusques  a  ce  qu'on  voye  en  eux  changement  de  vie.  Quant  est  des  crimes  qui  ne  meritent  pas  seulement  remonstrance  de  paroles,  mais  correction  avec  chastiement:  si  quelcun  y  est  tombe,  selon  l'exigence  du  cas  lui  faudra  denoncer  qu'il  s'abstienne  pour  quelque  temps  de  la  Cene,  pour  s'humilier  devant  Dieu  et  mieux  cognoistre  sa  faute.  Edict  et  Ordonnance  passee  en  grand  Conseil,  le  12.  Novembre,  1557,  touchant  ceux  qui  mesprisent  de  recevoir  la  Cene.  Pour  ce  qu'on  a  par  cidevant  apperceu  qu'aucuns  se  sont  de  leur  bon  gre  abstenuz  de  la  saincte  Cene,  et  combien  qu'ils  ayent  este  exhortez  de  se  preparer  a  y  venir,  n'en  ont  tenu  conte:  les  autres  aussi  ausquels  elle  estoit  defendue,  soit  de  nonchalance  ou  de  [page  48]  mespris  ne  l'ont  point  receue  par  longue  espace  de  temps:  tellement  que  ceste  correction  qui  leur  estoit  faite  selon  la  parole  de  Dieu  et  nos  Edicts,  tourneroit  en  moquerie  si  on  n'y  donnoit  remede:  Nous  voulons  et  ordonnons  la  procedure  ici  couchee  estre  inviolablement  gardee.  C'est,  que  si  on  appercoit  quelcun  se  desporter  de  la  saincte  communion  des  fideles,  le  Consistoire  l'appelle  si  besoin  est  selon  son  office,  et  comme  l'usage  a  esto  parcidevant.  Et  en  cas  que  ce  soit  pour  cause  d'inimitie,  qu'on  l'exhorte  de  se  reconcilier  a  sa  partie:  ou  s'il  y  a  quelque  autre  empeschement,  qu'on  pourvoye  comme  de  raison.  S'il  ne  se  trouve  dispose  a  recevoir  du  premier  coup  l'admonition  qu'on  lui  fait,  que  terme  lui  soit  donne  pour  mieux  penser  a  soy.  Mais  s'il  continue  en  son  obstination,  tellement  qu'outre  le  passe  il  demeure  encores  demi  an  sans  y  venir:  qu'estant  renvoye  devant  Messieurs  (sinon  qu'il  demande  pardon  de  sa  faute  et  soit  prest  de  l'amender)  il  soit  banni  pour  un  an  de  la  8*