7:117  117  CONTRE  LES  ANABAPTISTES.  118  Cela  nous  est  suffisamment  confirme  par  l'Histoire  du  Lazare,  ou  il  est  dict  que  son  ame  fust  portee  par  les  Anges  de  Dieu  au  sein  d'Abraham,  et  Fame  du  Riche  s'en  alla  en  enfer  (Luc  16,  22).  Il  leur  semble  advis  qu'ilz  ont  une  belle  solution  et  bien  coloree,  quand  ilz  respondent  que  c'est  une  parabole,  [page  139]  c'est  a  dire,  un  exemple,  et  non  pas  une  histoire.  Mais  ie  leur  demande,  ou  c'est  qu'ilz  ont  veu  en  l'escriture  qu'en  une  parabole  ou  similitude  simple,  le  nom  propre  d'un  homme  fust  exprime,  comme  il  est  icy.  Et  ainsi  l'ont  entendu  tous  les  docteurs  de  l'Eglise,  comme  la  raison  le  veut.  Mais  encore  que  ie  leur  accorde  que  ce  soit  parabole,  si  faut-il  qu'elle  soit  prinse  de  la  verite.  Nostre  Seigneur  dict  que  l'ame  de  Lazare  a  este  portee  par  les  Anges  au  sein  d'Abraham,  et  que  la  elle  recoit  ioye  et  consolation.  Il  dict  d'autre  coste,  que  l'ame  du  Riche  infidele  souffre  merveilleux  tormens  en  enfer.  Il  dict  qu'il  y  a  grande  distance  entre  l'un  et  l'autre.  Si  les  ames  n'ont  nul  sentiment  apres  la  mort,  ny  de  bien  ny  de  mal,  que  seroit-ce  de  ceste  narration  de  nostre  Seigneur,  sinon  une  fable,  et  comme  un  conte  du  livre  de  Mellusine?  Pourtant  ceste  tergiversation  des  Anabaptistes  est  un  blaspheme,  qui  deshonore  nostre  Seigneur  Iesus,  comme  s'il  nous  avoit  racompte  des  fictions  frivoles  et  sans  propos.  D'avantage,  c'est  une  sotte  resverie  repugnante  au  sens  humain,  comme  les  petis  enfans  mesme  le  peuvent  appercevoir.  Et  c'est  la  promesse  qui  fut  faicte  au  povre  brigand,  quand  il  demanda  mercy  en  la  [page  140]  croix.  Car  nostre  Seigneur  Iesus  luy  respondit:  Tu  seras  auiourdhuy  avec  moy  en  paradis  (Luc  23,  43).  Par  ce  mot  de  paradis,  nous  n'avons  que  faire  d'imaginer  qu'il  ait  voulu  specifier  un  certain  lieu  :  mais  seulement  la  ioye  et  felicite,  qu'ont  ceux  qui  vivent  avec  luy.  Tant  y  a  que  Iesus  Christ  ne  renvoye  point  ce  povre  pecheur  au  iour  de  la  resurrection,  mais  luy  assigne  ce  iour  la  mesme,  pour  vivre  eternellement  en  sa  compagnie.  Les  Anabaptistes  pour  caviller  ce  passage  alleguent  ce  qui  est  dit  autre  part,  que  mille  ans  sont  un  iour  devant  le  Seigneur.  Ce  que  nous  leur  concedons  bien:  mais  il  est  a  noter  que  Dieu,  quand  il  parle  aux  hommes,  s'accommode  a  leur  sens.  Tellement  qu'on  ne  trouvera  point  en  l'escriture  que  Dieu  ait  iamais  dict:  Ie  feray  auiourdhuy  cela,  entendant  qu'il  le  fera  d'icy  a  mille  ans.  En  telle  maniere  quand  Ionas  (3,  4)  denoncoit  aux  Ninivites,  qu'au  bout  de  quarante  iours  leur  ville  periroit,  ce  eust  este  grande  follie  a  eux  de  concevoir  quarante  mille  ans.  Pareillement  quand  nostre  Seigneur  Iesus  promettoit  qu'il  ressusciteroit  au  troisiesme  iour  (Matth.  16,  21),  nous  savons  qu'il  parloit  a  la  facon  commune  des  hommes.  Mais  ie  me  deporte