6:117  CATECHISMUS  GENEVENSIS.  tesmoignage  que  Dieu  nous  veut  nourrir  et  repaistre  comme  un  bon  pere  de  famille  a  le  soing  de  nourrir  et  refectionner  ceux  de  sa  maison.  LE  MINISTRE.  Pour  avoir  plus  claire  intelligence  de  l'un  et  l'autre,  disons  de  chascun  a  part.  Premierement,  quelle  est  la  signification  du  Baptesme?  L'ENFANT.  Elle  a  deux  parties.  Car  le  Seigneur  nous  y  represente  la  remission  de  noz  pechez,  et  puis  nostre  regeneration,  ou  renouvellement  spirituel  (Eph.  5,  26;  Rom.  6,  4).  LE  MINISTRE.  *)  Quelle  similitude  a  l'eaue  avec  ces  choses  pour  les  representer?  L'ENFANT.  Pource  que  la  remission  des  pechez  est  une  espece  de  lavement,  par  lequel  noz  ames  sont  purgees  de  leurs  macules,  ainsi  que  les  ordures  du  corps  sont  nettoyees  par  l'eaue.  LE  MINISTRE.  Touchant  l'autre  partie?  L'ENFANT.  Pource  que  le  cominancement  de  nostre  regeneration  est,  que  nostre  nature  soit  mortifiee:  l'issue,  que  nous  soyons  nouvelles  creatures  par  l'Esprit  de  Dieu.  L'eaue  donc  nous  est  mise  sur  la  teste  en  signe  de  mort:  toutesfois  en  telle  sorte,  que  la  resurrection  nous  est  semblablement  figuree,  en  ce  que  cela  se  fait  seulement  pour  une  minute  de  temps,  et  non  pas  pour  nous  noyer  en  l'eaue.  LE  MINISTRE.  [fol.  60]  Tu  n'entens  pas  que  l'eaue  soit  le  lavement  de  no2  ames.  L'ENFANT.  Non  pas.  Car  cela  appartient  au  sang  de  Iesus  Christ  seulement,  qui  a  este  espandu  pour  effacer  toutes  noz  souilleures,  et  nous  rendre  purs,  et  impolluz  devant  Dieu  (1  Pierre  1,  19;  1  Iehan  1,  7).  Ce  qui  est  accomply  en  nous,  quand  noz  consciences  en  sont  arrosees  par  le  sainct  Esprit.  Mais  par  le  Sacrement  cela  nous  est  certifie.  LE  MINISTRE.  Entens-tu  que  Feaue  nous  en  soit  seulement  une  figure?  L'ENFANT.  C'est  tellement  figure,  que  la  verite  est  conioincte  avec.  Car  Dieu  ne  nous  promet  rien  en  vain:  parquoy  il  est  certain  qu'au  Baptesme  la  remission  des  pechez  nous  est  offerte,  et  nous  la  recevons.