58:117  117  DE  IACOB  ET  ESAU.  118  a  senti,  que  si  on  offenserit  Isaac,  ou  qu'on  lui  feist  quelque  iniure,  cela  ne  demeureroit  point  impuni,  et  que  Dieu  en  feroit  la  vengeance:  voila  pourquoy  il  a  este  retenu  en  bride.  Or  ceci  nous  est  recite  sur  tout,  afin  que  nous  cognoissions  comme  Dieu  a  garde  les  siens,  encores  qu'ils  habitassent  entre  gens  malins  et  cruels,  comme  entre  bestes  sauvages,  neantmoins  qu'il  les  a  maintenus  par  sa  vertu:  et  c'est  afin  que  nous  esperions  le  semblable.  Car  la  bonte  de  Dieu,  de  laquelle  il  a  use  envers  nos  Peres  anciens,  ne  nous  est  pas  seulement  recitee,  afin  que  nous  cognoissions  qu'alors  il  a  este  pitoyable  envers  ceux  qui  se  fient  en  lui:  mais  que  nous  ne  doutions  point  qu'auiourd'hui  encores  il  ne  permettra  point  que  nous  soions  molestez,  moyennant  que  nous  ayons  nostre  refuge  a  lui:  et  quand  nous  saurons  qu'il  sera  de  nostre  coste,  que  nous  soions  aussi  certains  qu'il  maintiendra  nostre  parti,  et  que  sa  protection  nous  suffira  contre  tout  ce  que  les  hommes  pourront  attenter  et  machiner  contre  nous.  Quand  donc  nous  aurons  une  telle  fiance,  l'exemple  d'Isaac  qui  nous  est  ici  recite,  nous  doit  servir  d'instruction,  comme  si  Dieu  nous  monstroit  sa  main  estendue,  pour  nous  secourir  au  besoin.  Et  mesme  quand  nos  ennemis  seront  forts  et  robustes,  et  que  rien  ne  les  pourra  empescher  ici  bas,  qu'ils  ne  nous  oppriment,  que  nous  sachions  que  Dieu  ne  laissera  pas  d'y  mettre  la  main.  Car  nous  savons  ce  qu'il  dit  par  son  Prophete  Isaie  touchant  son  Eglise,  qu'elle  lui  est  plus  precieuse  que  tous  les  royaumes  et  empires  de  ce  monde.  Or,  tant  y  a  que  nous  serons  mesprisez  des  mondains,  et  leur  semblera  que  nous  ne  sommes  pas  dignes,  par  maniere  de  dire,  d'estre  iettez  aux  chiens:  mais  quoy  qu'il  en  soit,  puis  que  Dien  nous  a  une  fois  declare  que  nous  sommes  son  troupeau,  et  qu'il  nous  a  prins  en  sa  charge,  confions  -  nous  qu'il  ne  nous  defaudra  point,  quand  nous  serons  assaillis  de  ceux  qui  nous  tormentent,  et  ausquels  il  semble  que  Dieu  ne  les  doit  point  toucher.  Or  la  dessus  Moise  adiouste,  Qu'Isaac  a  seme,  et  qu'il  a  recueilli  cent  mesures.  C'est  a  dire,  cent  fois  plus  qu'il  n'avoit  seme.  Yci  on  pourroit  faire  une  question,  Veu  qulsaac  n'avoit  point  un  pie  de  terre,  comment  il  a  peu  semer.  Or  aucuns  devinent  qu'il  en  a  achete:  mais  cela  seroit  contre  toute  raison.  Car  il  faloit  que  les  Peres  se  contentassent  de  la  promesse  qui  leur  avoit  este  donnee,  et  qu'ils  habitassent  comme  estrangers  en  la  terre  promise.  Et  defaict  tantost  apres  il  est  dit,  qu'Isaac  a  dresse  sa  tente,  pour  declarer  qu'il  n'avoit  point  de  maison,  ne  de  bastiment  certain.  Nous  voions  donc  qu'il  a  este  vagabond  en  la  terre,  ainsi  que  son  pere  Abraham:  mais  il  a  peu  loer  une  terre  pour  y  semer,  car  il