52:117  117  CAPOT  III.  118  Paulus  in  traditionibus  illis  de  quibus  agit?  Quod  honorem  corpori  nullum  habeant  pro  carnis  expletione:  hoc  est,  pro  modo  necessitatis.  Nam  expletio  hic  mediocritatem  significat,  quae  se  ad  simplicem  naturae  usum  restringit  :  atque  ita  voluptati  et  superfluis  omnibus  deliciis  opponitur.  Natura  enim  paucis  contenta  est.  Proinde  negare  quod  requirit  ad  tolerandam  vitae  necessitatem,  non  minus  a  pietate  alienum  est  quam  inhumanum.  CAPUT  in-  1.  Ergo  si  consurrexistis  cum  Christo,,  quae  sursum  sunt  quaerite,  ubi  Christus  est  in  dextera  Dei  sedens:  2.  quae  sursum  sunt  cogitate,  non  quae  super  terram.  3.  Mortui  enim  estis,  et  vita  vestra  abscondita  est  cum  Christo  in  Deo.  4.  Ubi  autem  Christus  apparuerit  vita  vestra,  tunc  etiam  vos  cum  ipso  apparebitis  in  gloria.  Vanis  illis  exercitiis,  quae  pseudoapostoli  urgebant,  quasi  illic  sita  esset  perfectio,  vera  opponit  quibus  occupari  Christianos  decet:  quod  non  parum  ad  causam  valet.  Nam  dum  perspicimus  quid  nos  Deus  velit  agere,  facile  postea  contemnimus  hominum  inventa.  Dum  autem  apparet  longe  esse  sublimius  et  praestantius  quod  nobis  Deus  commendat,  quam  quod  homines  inculcant,  crescit  animi  alacritas  ad  Deum  sequendum,  hominibus  posthabitis.  Hic  Paulus  Colossenses  hortatur  ad  meditationem  coelestis  vitae.  Quid  autem  adversarii?  detinere  eos  volebant  in  puerilibus  rudimentis.  Ista  igitur  doctrina  facit  ut  caeremoniae  magis  vilescant.  Unde  constat,  ita  Paulum  hortari  hoc  loco  ut  superiorem  doctrinam  confirmet.  Solidam  enim  pietatem  describens,  ac  vitae  sanctimoniam,  huc  tendit  ut  vanae  illae  species  humanarum  traditionum  evanescant.  Simul  praevenit  obiectionem  qua  possent  eum  gravare  pseudoapostoli,  Quid  ergo?  tu  homines  mavis  esse  otiosos  quam  istis  qualibuscunque  exercitiis  vacare?  Quum  ergo  studiis  longe  purioribus  incumbere  iubet  Christianos,  praecidit  ansam  huic  calumniae.  Imo  invidia  non  parva  ipsos  onerat,  quod  nihili  avocamentis  rectum  piorum  cursum  impediant.  1.  Si  consurrexistis.  Ascensio  resurrectionem  comitatur.  Ergo  si  Christi  membra  sumus,  in  coelum  conscendere  nos  oportet:  quia  excitatus  a  mortuis  in  coelum  receptus  est,  ut  secum  nos  traheret.  Quaerimus  autem  quae  sursum  sunt,  dum  vere  animis  peregrinamur  in  hoc  mundo,  non  autem  affixi  sumus.  Verbum  cogitandi  magis  exprimit  assiduitatem  studii  et  vehementiam:  ac  si  diceret:  Sit  haec  tota  vestra  meditatio:  huc  ingenium,  buc  animum  applicate.  Caeterum  si  nihil