51:117  117  SUR  L'EPITRE  AUX  GALATES.  118  paules  pour  porter  son  fardeau  et  sa  croix,  celuy  la  n'est  pas  digne  d'estre  de  son  eschole,  et  mesmes  il  les  en  exclud  tous.  Et  ainsi  apprenons  qu'estans  appelez  a  nostre  Seigneur  Iesus  Christ,  ii  nous  faut  estre  participans  de  sa  croix  tant  qu'il  luy  plaira:  comme  il  est  dit  que  si  nous  souffrons  avec  luy,  nous  serons  aussi  bien  glorifiez  pour  estre  participans  de  la  vertu  qui  s'est  monstree  en  la  resurrection.  Mais  cependant  si  faut-il  que  les  passions  qu'il  a  souffertes  en  premier  lieu  s'accomplissent  en  nous  qui  sommes  ses  membres,  ll  est  vray  qu'il  a  souffert  ce  qui  estoit  besoin  pour  nostre  salut:  mais  ii  faut  que  nous  soyons  conformez  a  son  image,  comme  il  est  dit  au  8.  chap.  des  Rom.  Cependant  si  Dieu  nous  espargne  et  que  nous  ne  soyons  pas  entre  les  tyrans  qui  nous  puissent  tormenter  :  ou  bien  si  les  mechans  ne  peuvent  mordre,  qu'ils  abbayent  tant  seulement:  ou  encores  qu'il  nous  laisse  en  paix,  cognoissons  que  c'est  d'autant  qu'il  a  pitie  de  nostre  foiblesse,  et  qu'il  nous  espargne,  voyant  combien  nous  sommes  infirmes.  Mais  cependant  ne  nous  flattons  point  en  cela,  et  prions  Dieu  qu'il  nous  fortifie  par  son  sainct  Esprit,  tellement  que  quand  il  nous  appelera  en  reng  pour  combatre,  que  nous  ne  soyons  pas  comme  gens  nouveaux:  mais  que  nous  ayons  premedite  de  longuemain  qu'il  faut  que  nous  soyons  participans  de  Iesus  Christ  pour  parvenir  a  la  gloire  de  sa  resurrection.  Or  sainct  Paul  ayant  ainsi  parle  adiouste  pour  plus  ample  confirmation  de  son  propos,  que  ceux  qui  sont  circoncis,  et  qui  preschent  la  Circoncision,  ne  font  point  la  Loy:  mais  qu'ils  cerchent  seulement  de  se  glorifier  en  la  chair  de  ceux  qu'ils  amenent  a  une  facon  Iudaique.  En  ce  passage  sainct  Paul  derechef  accuse  ses  adversaires  d'estre  gens  doubles  et  ou  il  n'y  a  que  feintise.  Pourquoy?  La  Circoncision  estoit  bien  devant  la  venue  de  Iesus  Christ  une  telle  marque  comme  auiourd'huy  nous  est  le  Baptesme.  Car  les  Iuifs  avoyent  tesmoignage  qu'ils  estoyent  sanctifiez  de  Dieu  comme  son  heritage  :  mais  cependant  ceux  qui  mesloyent  la  Circoncision  parmi  l'Evangile,  estimoyent  pleinement  qu'il  faloit  garder  la  Loy  de  Moyse,  puis  qu'elle  estoit  donnee  de  Dieu,  et  qu'il  ne  faloit  point  qu'elle  fust  iamais  abolie.  Voici  donc  la  couverture  qu'ils  prenoyent,  c'est  que  la  Circoncision  estoit  pour  un  signe  d'observer  toute  la  Loy.  Or  maintenant  sainct  Paul  leur  reproche  qu'ils  ne  gardent  point  la  Loy:  ils  se  moquent  donc  de  Dieu  et  des  hommes  en  protestant  par  un  signe  exterieur  de  ce  qu'ils  ne  font  pas,  car  c'est  tout  l'opposite.  Nous  voyons  donc  maintenant  l'intention  de  sainct  Paul.  Or  quant  a  ce  mot  de  Faire  la  Loy,  il  se  prend  quelquefois  pour  accomplir  et  observer  tout  ce  qui  est  la  contenu.  Or  nul  ne  peut  faire  la  Loy,  c'est  a  dire  nul  ne  peut  en  perfection