44:117  117  CAPUT  II.  118  Iudaeis,  ubi  viderint  sibi  toties  exprobrari  suam  tarditatem.  Ponite  ergo  super  cor,  hoc  est,  considerate  id  quod  dicturus  sum  a  die  hac,  et  supra,  inquit,  antequam  poneretur  lapis  super  lapidem,  hoc  est,  ab  eo  die  quo  coepi  vos  hortari  ad  aedificandum  templum,  considerate  quid  usque  ad  hunc  diem  contigerit.  Postea  adiungit,  antequam,  inquit,  coeperitis  templum  exstruere,  nonne  dum  quisque  venit  ad  acervum  viginti,  tantum  reperit  decem  modios?  hoc  est  nonne  quum  sperarent  agricolae  sibi  esse  in  horreo  vel  arca  modios  viginti,  decepti  sunt  sua  opinione?  quoniam  scilicet  Deus  arefecerat  spicas,  ut  non  redderent  quod  solebant.  Agricolae  enim  longo  usu  edocti  possunt  facile  coniicere  quid  sperare  debeant  ubi  vident  messem  suam:  sed  adspectus  ipse  frustratus  est  agricolas.  Deus  ergo  maledictionis  suae  signa  illic  ostendit.  Deinde  quum  veniret  quisque  ad  torcular,  et  speraret  sibi  fore  largas  vindemias,  nonne  etiam  deceptus  est?  Nam  pro  cadis  50  tantum  reperit  20.  Postea  adiungit,  Ego  percussi  vos  vento  orientali.  Nam  psntfif  accipitur  pro  vento  urente.  Ventus  autem  orientalis  infestat  Iudaeam  siccitate  sua:  sicuti  etiam  vocant  ppT  vel  rubiginem,  vel  humidum  ventum  ex  quo  nascitur  rubigo.  Scimus  enim  si  humefactae  sunt  segetes,  contrahere  rubiginem,  ubi  sol  calorem  suum  emittit.  Quod  ad  sensum  prophetae,  nulla  est  ambiguitas,  quia  docere  voluit  diversis  modis  fuisse  percussos,  ut  facile  secum  reputare  debuerint  Deum  iratum  esse.  Addit  etiam  grandine.  Nam  si  fames  tantum  vel  ex  frigore,  vel  ex  aestu  contingat,  hoc  tribuitur  fortunae,  vel  astris:  sed  ubi  Deus  exserit  varia  flagella,  tunc  cogimur  agnoscere  iram  eius,  quasi  nos  expergefaceret.  Haec  ratio  est  cur  varias  species  hic  commemoret  propheta.  Dicit  autem  in  omni  opere  manuum  vestrarum.  Quod  alii  vertunt,  Et  omne  opus,  sed  perperam.  Neque  enim  percussi  fuerant  in  suis  corporibus,  sed  in  terrae  cultura.  Tandem  adiungit,  Et  vos  non  ad  me,  hoc  est,  toto  illo  tempore  nihil  profeci,  quum  toties  et  variis  modis  vos  castigarent.  Et  interea  quid  vobis  profuit  contumacia  cordis  vestri?  non  estis  reversi  ad  me  :  ponite,  inquit,  cor  vestrum  a  die  hac,  et  supra.  Repetit  quod  dixerat,  nempe  a  die  24  novi  mensis.  Vidimus  autem  paulo  ante,  prophetam  fuisse  missum  die  illo,  ut  coargueret  populi  peccata.  Ponite  ergo  cor  vestrum,  inquit,  a  die  hac.  Videmus  quam  emphatica  sit  ista  repetitio,  quod  in  rebus  manifestis  adeo  tamen  torpebant  Iudaei,  ut  non  tangeret  eos  sua  penuria  et  esuries.  Scimus  autem  nullum  esse  acriorem  stimulum  ad  homines  pugendos,  quam  dum  fame  laborant.  Quum  ergo  Dominus  victum  illis  raperet  ex  ore,  non  fuisse  attentos  ad  tale  iudicium,  hoc  certe  fuit  nimii  stuporis.  Qua  ratione  hic  propheta  saepius  inculcat,  Iudaeos  fuisse  nimis  segnes,  qui  animum  ad  tam