27:117  117  SUR  LE  DEUEER.  CHAP.  XI.  118  endurcis  en  nos  vanitez,  que  nous  ne  taschions  de  nous  radresser.  Car  comme  i'ay  desia  dit,  a  chacune  minute  de  temps  nous  pourrions  nous  fourvoyer:  qu'il  ne  faut  rien  pour  nous  esgarer  du  bon  chemin.  Et  si  nous  en  sommes  destournez,  advisons  de  retourner  bien  tost,  et  nous  radresser.  Car  nostre  Dieu  n'est  pas  loin  de  nous,  ii  promet  par  son  Prophete  Isaie  qu'il  sera  a  nostre  dos,  tout  ainsi  qu'un  Magister  sera  au  dos  de  son  enfant,  tout  ainsi  qu'une  mere  aura  l'oeil  dessus  l'enfant  qu'elle  nourrira,  qu'elle  sera  tousiours  apres:  ainsi  Dieu  declaire  par  une  similitude  familiere  qu'il  sera  a  nostre  dos,  moyennant  que  nous  le  cerchions,  et  que  nous  souffrions  d'estre  redressez  par  luy.  Et  ainsi  apprenons  de  nous  exercer  en  cest  estude  tout  le  temps  de  nostre  vie:  et  sur  tout  quand  nous  voyons  la  necessite  si  urgente,  et  qu'un  chacun  se  solicite,  que  nous  n'attendans  pas  que  le  diable  nons  ait  esgarez  si  loin  que  nous  ne  puissions  plus  retourner  au  chemin:  mais  si  tost  que  nous  aurons  fait  un  faux  pas,  que  nous  pensions  a  nous,  quand  nous  aurons  decline  tant  peu  que  ce  soit.  Et  mesmes  que  nous  n'attendions  point  cela:  mais  que  nous  prevenions,  et  que  nous  invoquions  tant  plus  songneusement  nostre  Dieu,  qu'il  nous  conduise,  et  qu'il  nous  previenne  par  sa  bonte:  que  nous  suyvions  sa  parolle  qui  est  la  vraye  adresse,  qui  est  mesme  la  lampe  pour  nous  esclairer:  que  nous  ouvrions  les  yeux  pour  voir  la  clarte  qu'il  nous  monstre,  et  que  nous  reduisions  souvent  en  memoire  les  choses  que  nous  avons  apprinses:  et  qu'un  chacun  regarde  a  quel  vice  il  est  enclin,  pour  cercher  le  remede  propre:  comme  les  uns  seront  touchez  d'une  affection,  les  autres  d'une  autre.  Et  ainsi  quand  nous  aurons  cogneu  nos  maladies,  que  nous  y  appliquions  les  medecines  qui  y  sont  convenables.  Or  nous  en  trouverons  assez  en  la  parolle  de  Dieu  pour  nous  guerir  et  restaurer,  moyennant  que  nous  vueillions  user  du  bien  qu'il  nous  y  presente.  Voila  en  somme  comme  nous  avons  a  prattiquer  ce  passage.  Ce  n'est  point  que  nous  facions  beaucoup  de  ceremonies,  qu'il  y  ait  un  beau  lustre,  qu'on  porte  des  tesmoignages  de  la  Loy  de  Dieu  pour  parures,  qu'on  escrive  beaucoup  de  belles  sentences:  et  cependant  'qu'on  n'y  pense  point.  Tout  cela  (di-ie)  n'est  rien.  Que  faut-il  donc?  Que  nous  cerchions  les  moyens  pour  nous  confermer  en  la  crainte  de  nostre  Dieu,  pour  nous  radresser  au  bon  chemin:  que  voyant  que  nous  sonjmes  tant  debiles,  nous  recevions  les  remedes  tels  que  Dieu  nous  assigne.  Sur  tout  il  nous  faut  bien  observer  ce  qu'il  dit:  Mets  les  commandemens  que  ie  te  propose,  en  ton  coeur,  et  en  ton  ame.  Voici  donc  le  principal,  afin  qu'on  ne  s'amuse  point  a  la  formalite,  et  aux  figures:  c'est  (di-ie)  ou  il  pretend,  et  ou  il  faut