10.1:117  ORDONNANCES.  sistoire,  afin  qu'ils  puissent  consulter  entre  eux  de  remettre  au  Consistoire  ceux  qu'ils  ne  trouveront  nullement  capables,  ou  bien  qui  se  gouverneront  mal:  et  que  le  dizenier  soit  tenu  de  leur  faire  compagnie  et  les  adresser,  afin  que  nul  ne  soit  exempte  de  respondre.  Que  les  commis  susdits  desquels  a  este  parle,  s'assemblent  une  fois  la  sepmaine  avec  les  Ministres,  assavoir  leleudi,  pour  voir  s'il  y  a  aucun  desordre  en  l'Eglise,  et  traitter  ensemble  des  remedes  quand  et  selon  qu'il  en  sera  besoin.  Pour  ce  qu'ils  n'auront  authorite  aucune  ne  iurisdiction  pour  contraindre,  avons  avise  le  ar  donner  un  de  nos  officiers,  pour  appeler  ceux  ausquels  ils  voudront  faire  quelque  admonition.  Si  quelcun  par  mespris  refuse  de  comparoistre,  leur  office  sera  d'en  advertir  le  Conseil,  afin  d'y  donner  remede.  S'ensuivent  les  personnes  que  Ies  Anciens  ou  commis  doivent  admonester,  et  comme  on  y  devra  proceder.  [page  46]  S'il  y  a  quelcun  qui  dogmatise  contre  la  doctrine  receue,  qu'il  soit  appele  pour  conferer  avec  lui:  s'il  se  renge,  qu'on  le  recoive  sans  scandale,  ni  diffame.  S'il  est  opiniastre,  qu'on  l'admoneste  par  quelques  fois  iusques  a  ce  qu'on  verra  qu'il  sera  mestier  de  plus  grande  severite:  et  lors  qu'on  lui  interdise  la  communion  de  la  Cene,  le  faisant  savoir  au  Magistrat.  Si  quelcun  est  negligent  de  convenir  avec  l'Eglise,  tellement  qu'on  appercoive  un  mespris  notable  de  la  communion  des  fideles:  ou  si  quelcun  se  monstre  estre  contempteur  de  l'ordre  Ecclesiastique,  qu'on  Tadmoneste:  et  s'il  se  rend  obeissant,  qu'on  le  recoive  amiablement.  Mais  s'il  persevere  de  mal  en  pis  apres  l'avoir  trois  fois  admoneste,  qu'on  le  separe  de  l'Eglise,  et  qu'on  le  denonce  a  la  Seigneurie.  Quant  est  de  la  vie  d'un  chacun  pour  corriger  les  fautes  qui  y  seront,  il  faudra  proceder  selon  l'ordre  que  nostre  Seigneur  a  commande.  C'est,  que  des  vices  secrets,  qu'on  les  reprenne  secretement:  et  que  nul  n'amene  son  prochain  devant  l'Eglise  pour  l'accuser  de  quelque  faute,  laquelle  ne  sera  point  notoire  ni  scandaleuse,  sinon  apres  l'avoir  trouve  rebelle.  Au  reste,  que  ceux  qui  se  seront  mocquez  des  admonitions  particulieres  de  leur  prochain,  soyent  admonestez  derechef  par