9:116  pignus  sacrae  cum  Christo  coniunctionis,  merito  ingressus  et  receptio  in  ecclesiam  esse  dicitur.  Et  quia  mortua  non  sunt  spiritus  sancti  organa,  vere  per  baptismum  efficit  ac  praestat  Deus  quod  figurat.  Hanc  regulam  nisi  admittat  Westphalus,  stulte  et  praeter  rationem  exspectarunt  apostoli,  dum  filii  Dei  fierent  quos  postea  recepturi  ad  baptismum  erant.  Nam  secundum  eius  dogma  antevertere  decebat,  ne  si  sanctos  in  gremium  suum  reciperet  ecclesia,  supervacuus  esset  baptismus.  Nisi  forte  eadem  aequitate,  qua  pios  Christi  exsules  prohibuit  hospitio,  a  regno  coelorum  exterminet  qui  Dei  spiritu  regeniti  sunt.  Cornelius  cum  suis  antequam  baptizaretur  donatus  spiritu  sancto,  sanctorum  insignibus  ornatus,  merito  inter  Dei  filios  locum  aliquem  tenebat.  Baptismum,  qui  deinde  accessit,  praeposterum  faciat  Westphalus  necesse  est,  si  non  vult  nisi  extraneos  admitti.  Frivolum  tamen  interea  est  cavillum,  me  ludere  ambiguo  sermone,  [pag.  163]  ac  si  receptio,  quae  fit  per  baptismum,  nihil  aliud  foret,  quam  externa  coram  hominibus  declaratio:  si  quidem  palam  affirmo,  nobis  in  baptismo  cum  Deo  esse  negotium,  qui  non  modo  paternum  amorem  testando  fidem  nobis  suam  obligat,  ut  de  salute  nostra  certo  simus  persuasi,  sed  etiam  quod  per  ministri  manum  figurat,  ipse  intus  sua  virtute  sancit.  Atque  ita  discutitur  altera  calumnia,  ubi  dicit  Quosdam  ex  nostris,  dum  infantes,  qui  ante  tempora  aeterna  adoptati  erant  in  filios,  tradunt  visibiliter  deinde  inseri  in  Christi  corpus,  paradoxa  ingerere  quae  pugnant  cum  verbis  Christi:  Qui  crediderit  et  baptizatus  fuerit,  salvus  erit  (Marc.  16,  16)  item:  Nisi  quis  renatus  fuerit  ex  aqua  et  spiritu  ete.  (Ioann.  3,  5).  ^semini  enim  propositum  fuisse  arbitror  gratiae  sanctionem  divellere  a  baptismo,  ut  ratum  sit  foedus,  quod  verbo  suo  Deus  pepigit.  Quanquam  hic  perspc  iunt  lectores,  quam  nulla  ei  religio  sit,  scripturam  illotis  manibus  inquinare.  De  infantibus  quaestio  inter  nos  vertitur:  cos  contendit  baptismo  fieri  Christi  membra,  et  vitae  haeredes.  Quo  testimonio  hanc  sententiam  confirmat?  [pag.  164]  nempe  quod  spem  salutis  infantibus  praecideret,  nisi  constaret  de  adultis  tantum  intelligi,  qui  per  aetatem  iam  ad  credendum  idonei  sunt.  Dum  paedobaptismum  impugnant  fanatici  homines,  non  sine  specioso  colore  ex  hoc  loco  ratiocinantur,  everti  positum  a  Christo  ordinem,  nisi  baptismum  fides  praecedat.  Apte  refellitur  eorum  error,  quod  illic  nominatim  agat  Christus  de  evangelii  praedicatione,  quae  non  nisi  ad  homines  adultos  dirigitur.  Prorumpit  Westphalus,  et  hinc  elicit  tanquam  oleum  ex  lapide,  salutem  infantibus  provenire  ex  baptismo.  Alterum  locum  ubi  prudentius  expenderit,  perperam  ad  baptismum  trahere  desinet.  Quaerit  rursum,  si  sacramenta  sunt  organa,  quibus  efficaciter  agit  Deus,  suamque  nobis  gratiam