7:116  les  Patriarches  estoyent  mortz  pour  le  temps  que  Moyse  parloit,  il  s'ensuit  qu'ilz  vivoient  en  une  meilleure  vie.  Et  pourtant  sainct  Luc  adiouste  que  tous  vivent  a,  Dieu  (Luc  20,  38),  denotant  que  [page  137]  nostre  Seigneur  maintient  les  siens  en  vie  par  sa  grace  et  vertu.  A  quoy  est  correspondant  ce  que  dit  l'Apostre  :  Soit  que  nous  vivions,l)  que  nous  vivons  au  Seigneur:  soit  que  nous  mourions,  que  nous  mourons  au  Seigneur.  Soit  que  nous  vivions,  soit  que  nous  mourions  que  nous  sommes  au  Seigneur  (Rom.  14,  8  s.):  et  quo  Iesus  Christ  est  mort  et  ressuscite,  afin  de  dominer  sur  vivans  et  sur  les  mortz.  Car  il  est  certain  que  Iesus  Christ  ne  peut  dominer  sur  nous,  que  nous  ne  soyons.  Pourtant  si  son  empire  s'estend  iusques  sur  les  mortz,  il  s'ensuit  que  les  fideles  apres  la  mort,  subsistent  en  quelque  essence.  Et  de  faict,  autrement  ne  pourroit  consister  la  vision  que  recite  S.  Iehan  en  l'Apocalipse  (6,  9  s.).  C'est  qu'il  vit  les  ames  des  Martyrs  soubz  l'autel  celeste,  criant  a  haute  voix:  Seigneur,  iusques  a  quand  differe-tu  de  venger  nostre  sang?  Et  que  Dieu  leur  feit  donner  des  robbes  blanches,  et  leur  commanda  d'avoir  patience  pour  quelque  peu  de  temps,  iusques  a  ce  que  le  nombre  de  leurs  compagnons  fust  accomply.  Il  n'y  a  doute  que  ces  robbes  blanches  ne  signifient  commencement  de  gloire,  que  Dieu  donne  aux  Martyrs  en  attendant  le  iour  du  Iugement:  car  cela  n'est  point  nouveau  en  l'escriture.  Comme  quand  Daniel  dit,  qu'il  a  veu  le  Seigneur  [page  138]  vestu  d'une  robbe  blanche  (Dan.  7,  9).  Et  Iesus  Christ  estoit  tel  en  sa  transfiguration,  en  la  montaigne  de  Tabor  (Matth.  17,  2).  L'Ange  aussi  qui  apparut  aux  femmes  pres  du  sepulchre,  estoit  accoustre  d'une  robbe  blanche  (Matth.  28,  3).  Item,  les  Anges  qui  apparurent  aux  disciples  apres  l'ascension  de  nostre  Seigneur  Iesus  (Act.  1,  10).  Autant  en  est-il  dict  de  l'ange  qui  apparut  au  Centenier  Corneille  (Act.  10,  30).  Finallement,  en  la  parabole  de  l'enfant  prodigue,  il  est  dict  que  quand  il  fust  retourne,  le  pere  commanda  qu'on  luy  apportast  sa  premiere  robbe,2)  en  signe  do  ioye  et  de  festin  (Luc  15,  22).  Nous  voyons  donc  combien  cela  repugne  a  l'erreur  des  Anabaptistes,  qui  au  lieu  de  robbes  blanches,  donnent  des  coussins  aux  ames  pour  les  faire  dormir.  D'avantage,  en  ce  qu'il  est  dict,  que  les  ames  cryent,  en  demandant  vengeance  a  Dieu,  il  est  demonstre  qu'elles  ne  dorment  point.  Car  ce  cry  ne  se  peut  exposer  comme  le  cry  du  sang  d'Abel:  d'autant  que  le  desir  qu'ont  les  sainctes  ames  est  la  exprime.  1)  Les  editions  varient  beaucoup  dans  Vempioi  des  mo*  des-,  dans  tous  les  membres  de  cette  phrase.  2)  la  plus  belle  robbe  1611.