58:116  de  nostre  bon  Dieu  en  cognoissance  de  nos  fautes,  le  priant  qu'il  lui  plaise  nous  faire  sentir  les  infirmitez  et  vices  qui  sont  en  nous,  pour  nous  y  desplaire  :  tellement  que  ce  soit  pour  batailler  a  l'encontre,  et  pour  ne  nous  y  point  donner  trop  grande  licence:  et  quand  nous  l'avons  offence,  que  nous  soions  touchez  d'une  telle  repentance,  que  ce  soit  pour  recourir  a  lui,  et  pour  en  gemir,  iusques  a  ce  qu'il  nous  ait  reformez  par  son  sainct  Esprit,  et  qu'il  nous  ait  ramenez  au  bon  chemin,  quand  nous  en  aurons  este  esgarez.  Et  que  cependant  il  nous  supporte  tellement  en  nos  foiblesses,  que  nous  ne  laissions  pas  de  lui  estre  tousiours  enfans,  encore  que  nous  ne  l'honorions  pas  comme  nostre  Pere,  ainsi  qu'il  appartient.  Que  non  seulement  il  nous  face  ceste  grace,  mais  aussi  a  tous  peuples  et  nations  de  la  terre,  etc.  HUITIEME  SERMON.  Genese,  chap.  XXVI.  l  l  .  Abimelech  commanda  a  tout  le  peuple,  disant.  Qui  toucher  a  cest  homme  j  ou  sa  femme,  il  mourra  incontinent.  12.  Or  Isaac  sema  en  ceste  terre-la,  et  recueillit  en  ceste  mesme  annee  cent  fois  plus  et  le  Seigneur  V  enrichit.  13.  Il  fut  donc  multiplie,  et  croissoit  grandement,  iusques  a  ce  qu'il  fut  enrichi.  14.  Et  avoit  grandes  possessions  et  bestail,  grans  troupeaux  et  grande  famille:  pourtant  les  Philisthim  eurent  envie  sur  luy,  15.  Et  estoupperent  tous  les  puits  qui  avoient  este  cavez  du  temps  d'1  Abraham  son  pere.  Les  Philisthim  donc  les  estoupperent  et  les  remplirent  de  terre.  16.  Abimelech  lors  dit  a  Isaac,  Hetire-toy  de  nous:  car  tu  es  plus  fort  que  nous  ne  sommes.  17.  Isaac  donc  partit  de  la,  et  tendit  son  tabernacle  en  la  volee  de  Gerar,  et  y  habita.  18.  Isaac  recommenca  a  f  ouyr  les  puits  qui  avoyent  este  cavez  auparavant,  lesquels  les  Philisthim  avoyent  estouppe*?:  et  les  appela  de  leurs  noms,  selon  les  noms  qu'Abraham  leur  avoit  imposez.  19.  Les  serviteurs  donc  d'Isaac  fouirent  en  la  valeei  et  trouverent  la  un  puits  d'eau  vive:  20.  Et  les  bergers  de  Gerar  eurent  debat  avec  ceux  d'Isaac,  disans,  Veau  est  nostre:  dont  appela  le  nom  du  puits:  Esec,  pource  qu'U  y  avoit  eu  debat.  21.  Ils  caverent  un  autre  puits,  et  encore  il  y  eut  noise:  dont  appela  son  nom  Sitenah.  Nous  avons  veu  comme  Dieu  eut  pitie  d'Isaac,  combien  qu'il  fust  digne  d'estre  delaisse  en  sa  necessitte:  car  c'a  este  d'une  singuliere  grace,  que  la  chastete  de  Rebecca  a  este  gardee:  pource  qu'Isaac,  entant  qu'en  lui  estoit,  l'avoit  abandonnee  et  quittee,  pour  sauver  sa  vie.  Voila  donc  une  defiance  qui  meritoit  bien  qu'il  en  fust  durement  chastie:  mais  si  est  ce  que  Dieu  l'a  voulu  supporter,  et  a  este  protecteur  de  sa  femme,  qui  estoit  autrement  mise  en  abandon.  Or  il  est  dit  ici,  que  Dieu  a  estendu  sa  misericorde  plus  loin  :  c'est  assavoir,  que  pour  le  temps  avenir  il  a  voulu  qu'Isaac  fust  comme  a  sauvete,  et  que  nul  ne  le  molestast  ni  en  sa  personne,  ni  quant  a  sa  femme.  Et  de  faict,  il  falloit  bien  que  ceste  provision  lui  fust  donnee:  car  on  lui  pouvoit  reprocher,  qu'il  ne  lui  avoit  gueres  chalu  que  sa  femme  fust  mise  en  deshonneur  et  opprobre.  Cela  estoit  pour  lui  causer  chacun  iour  beaucoup  de  piques.  Or  Dieu  y  proveut:  et  mesme  il  use  du  Roy  du  pais,  afin  qu'Isaac  soit  paisible,  afin  que  nul  ne  le  viene  assaillir.  Il  est  donc  ordonne  que  nul  ne  l'attouche,  a  peine  de  la  mort.  Or  ceci  a  este  fait  par  privilege,  suivant  ce  que  nous  avons  allegue  du  Pseaume,  Que  Dieu  en  faveur  d'Abraham  et  d'Isaac,  a  chastie  les  Rois,  et  a  redargue  les  peuples  :  mais  tant  y  a  encore  que  nous  pouvons  recuillir  que  Abimelech,  estant  saisi  de  fraieur,  a  fait  un  edict,  lequel  estoit  equitable.  Et  pourquoy  est-ce  que  ce  n'a  este  une  loy  perpetuelle?  D'autant  que  les  hommes  qui  n'ont  point  une  vive  racine  de  crainte  de  Dieu,  ne  font  rien  que  par  force  et  par  bouffee,  qu'il  n'y  a  point  de  tenure  ne  de  constance,  comme  nous  verrons  tantost.  D'autant  donc  qu'Abimelech