51:116  ait  beaucoup  de  combats.  Car  encores  que  Dieu  nous  espargne  (ie  di  nous  qui  annoncons  sa  parole)  et  qu'il  ne  nous  vueille  point  mettre  tousiours  en  un  si  dur  examen  que  les  ennemis  ayent  l'espee  desgainee  contre  nous:  si  est-ce  que  iamais  le  monde  n'a  accepte  en  telle  obeissance  l'Evangile,  qu'il  n'y  ait  tousiours  eu  des  murmures  et  contradictions  :  comme  encores  auiourd'huy  on  les  void,  et  faut  qu'ainsi  advienne,  car  nostre  Seigneur  veut  esprouver  la  constance  des  siens,  et  quant  et  quant  monstrer  la  vertu  invincible  de  sa  parole  quand  elle  surmonte  tous  empeschemens  que  Satan  luy  suscite.  Comme  il  est  dit  a  Ieremie,  Ils  batailleront  contre  toy:  mais  tu  gagneras  et  auras  la  victoire.  Voila  donc  comme  Dieu  est  glorifie  faisant  tous  ses  efforts  avec  Satan,  qui  ne  peut  toutesfois  empescher  que  la  verite  ait  son  cours.  Pour  ceste  cause  sainct  Paul  dit  que  ceux  qui  sont  ainsi  bigarrez,  et  qui  desguisent  la  parole  de  Dieu  ou  la  falsifient,  que  ceux-la  fuyent  la  croix:  c'est  a  dire  ils  fuyent  la  vraye  predication  de  l'Evangile,  voire  pour  fuir  persecution.  Or  derechef  nous  avons  ici  un  avertissement  bien  utile.  Car  si  nous  desirons  de  servir  a  Dieu  et  a  son  Eglise,  il  nous  faut  tousiours  estre  apprestez  a  soustenir  des  alarmes.  Et  encores  que  les  feux  ne  soyent  point  allumez,  ou  bien  que  les  ennemis  ne  soyent  armez  pour  faire  persecution  si  cruelle  comme  ils  voudroyent,  ou  que  (bref)  nostre  Seigneur  tienne  bridez  tous  ceux  qui  sont  faschez  de  sa  parole,  et  qui  voudroyent  reietter  son  ioug,  si  est-ce  qu'il  nous  faut  estre  vilipendez  par  beaucoup  de  gens.  Il  faut  qu'on  nous  diffame,  il  faut  qu'il  y  ait  des  murmures  et  des  calomnies  a  l'encontre  de  nous,  et  que  nous  humions  cela  et  y  soyons  comme  endurcis.  Et  nous  le  verrons  mesmes  la  ou  l'Evangile  se  preschera,  qu'il  y  aura  mille  detractions  contre  ceux  qui  taschent  de  s'employer  fidelement.  On  leur  fera  des  proces  criminels,  on  les  accusera  de  ceci  et  de  cela,  et  ce  ne  sera  que  pures  calomnies.  Bref,  il  faut  que  tous  ceux  qui  desirent  de  poursuyvre  leur  cours,  se  preparent  a  soustenir  beaucoup  de  tentations  lesquelles  les  pourroyent  faire  flechir,  sinon  qu'ils  fussent  confermez  en  cela,  qu'il  faut  obeir  a  Dieu  en  despit  de  tout  le  monde.  Voila  donc  pour  un  item.  Or  cependant  nous  avons  aussi  a  noter  que  ceci  s'estend  a  tout  le  corps  de  l'Eglise  en  general.  Quand  donc  nos  oyons  le  message  de  paix  qui  nous  est  apporte  au  nom  de  Dieu,  ne  pensons  pas  estre  en  repos  quant  au  monde:  mais  d'avoir  tousiours  beaucoup  de  fascheries  et  de  riottes.  Et  quiconques  n'est  dispose  a  cela,  il  faut  qu'il  se  retire  de  nostre  Seigneur  Iesus  Christ:  oar  ils  ne  pourra  iamais  estre  de  ses  disciples,  comme  il  le  declare  de  sa  propre  bouche,  que  celuy  qui  ne  plie  point  les  es-