44:116  etiamsi  nullius  apud  eos  pretii  sit  spiritualis  cultus,  putant  tamen  se  satisfacere.  Ergo  in  summa  notandum  est,  hic  docere  prophetam,  non  sufficere  si  Deo  exhibeant  homines  suum  obsequium,  si  sacrificia  offerant,  si  impendant  laborem  suum  ad  aedificationem  templi,  nisi  rite  hoc  totum  faciant.  Quid  est  rite?  nempe  sincero  affectu  cordis,  ut  nihil  sit  vel  hypocriticum  vel  duplex.  16.  Et  nunc  ponite  quaeso  (vel  agedum)  super  cor  vestrum  a  die  hac  et  supra,  antequam  poneretur  lapis  super  lapidem  in  templo  Iehovae.  17.  Ante  haec  quum  veniret  quis  ad  acervum  viginti,  fuit  decem:  quum  veniret  ad  torcular  ut  hauriret  quinquaginta  e  torculari,  fuit  summa  viginti.  18.  Percussi  vos  orientali  vento  (vel,  urente)  et  rubigine,  et  grandine  in  omni  opere  manuum  vestrarum  (alii  vertunt,  et  omne  opus,  sed  male  :  et  potius  hic  debet  resolvi  quemadmodum  dictum  est:  in  omni  ergo  opere),  et  vos  non  ad  me,  dicit  Iehova.  19.  Ponite  quaeso  super  cor  vestrum  a  die  hac,  et  supra,  a  die  vicesimo  quarto  novi  mensis,  a  die  quo  fundatum  fuit  templum  Iehovae,  ponite  super  cor  vestrum,  20.  An  adhuc  semen  in  horreo?  et  adhuc  vitis,  et  ficus  et  malus-granata,  et  arbor  olivae  non  protulit:  a  die  hac  benedicam  vobis.  Coactus  sum  hos  omnes  versus  simul  coniungere,  quia  rem  unam  hic  tractat  propheta.  Summa  autem  huc  tendit,  palam  tunc  Dominum  sumpsisse  poenas  de  tarditate  populi,  ut  quisque  facile  agnosceret  fuisse  praepostere  factum  ab  omnibus,  quod  ita  operam  dedissent  privatis  commodis,  neglecto  templo.  Crasse  enim  hic  agit  propheta  cum  hominibus  terrenis,  et  qui  addicti  erant  ventri  suo.  Si  vere  adolevissent,  vel  fecissent  maiores  progressus  in  vera  pietate,  poterat  alio  modo  cum  ipsis  ageret  et  certe  sequutus  esset  illum  ordinem  quemadmodum  dicit  Paulus  (1.  Cor.  2,  6)  Sapientiam  loquimur  inter  perfectos.  Sed  quoniam  defixi  erant  in  potu  et  cibo,  et  intenti  privatis  suis  commodis,  propheta  illis  in  medium  proponit  pro  ipsorum  captur  Deum  ipsis  fuisse  iratum,  et  perspicua  fuisse  signa  maledictionis,  quum  terra  fruges  non  produceret,  sed  ipsi  essent  famelici.  Nunc  tenemus  consilium  prophetae.  Sed  iterum  percurram  verba,  quo  rea  melius  pateat.  Ponite  inquit  super  cor.  Hic  propheta  oblique  perstringit  eorum  socordiam,  quod  in  rebus  manifestis  caecutirent:  nam  hic  non  attollit  eorum  mentes  in  coelum,  non  profert  alta  mysteria,  sed  tantum  concionatur  de  victu  et  alimentis.  Quum  ergo  Deus  imprimit  certas  irae  suae  notas  in  ipsa  communi  vita,  non  est  tolerabilis  stupor  noster,  si  hoc  totum  negligimus*  Et  saepius  hoc  ideo  repetit  propheta,  ut  pudorem  incutiat