27:116  eust  que  toute  devotion  et  sainctete  en  eux,  ils  avoyent  aussi  les  commandemens  escrits  par  leurs  maisons:  cela  (di-ie)  y  estoit  bien:  mais  ils  ont  cuide  servir  a  Dieu  par  toutes  ces  mines  et  cela  n'estoit  rien.  Et  de  nostre  part  nous  y  procederons  ainsi,  sinon  que  nous  regardions  bien  quelle  est  la  volonte  de  nostre  Dieu  pour  nous  y  assuiettir.  Car  i'ay  desia  dit  que  l'hypocrisie  est  tellement  enracinee  en  la  nature  des  hommes,  que  tousiours  ils  se  voudront  iouer  avec  Dieu,  et  le  contenter  par  masques,  qu'il  n'y  aura  que  feintise:  et  cependant  il  leur  semble  qu'il  les  doit  tenir  quittes.  Or  notons  que  Dieu  n'a  point  voulu  estre  servi,  pour  avoir  escrit  quelque  sentence  de  sa  Loy  a  un  posteau  d'une  porte,  ou  a  l'entree  d'une  maison:  son  intention  n'est  pas  telle.  Mais  quoy?  Voyant  que  nous  avons  courte  memoire,  et  qu'encores  que  nous  ayons  este  deument  enseignez  en  sa  parolle,  nous  en  serons  aisement  divertis:  non  sans  cause  Dieu  veut  que  nous  cerchions  toutes  aides,  afin  d'estre  mieux  retenus,  et  que  nous  prenions  les  remedes  de  nostre  fragilite,  veu  qu'il  ne  faut  rien  pour  nous  avoir  tantost  divertis.  Et  quand  nous  cognoissons  un  tel  vice  en  nous:  que  d'autant  plus  nous  soyons  songneux  de  cercher  Dieu,  pour  dire:  Comment  sera-il  possible  que  ie  me  retienne  en  la  crainte  de  mon  Dieu,  si  ie  suis  un  iour  sans  penser  a  luy,  et  a  ses  commandemens?  Ie  mettray  incontinent  tout  en  oubli.  Que  faut-il  donc?  Le  matin  quand  ie  me  leve,  le  diable  incontinent  me  presente  beaucoup  d'empeschemens.  Or  il  faut  que  ie  luy  resiste,  que  ie  n'attende  point  que  l'ennemi  me  donne  l'alarme:  mais  il  faut  que  ie  pense  a  mon  Dieu  qui  m'appelle  a  soy.  Et  puis  le  soir,  quand  ie  me  vay  coucher,  pource  que  de  nuict  le  diable  ne  cesse  de  m'amener  beaucoup  de  fantasies  perverses,  et  que  les  hommes  ne  peuvent  tenir  leurs  cerveaux  en  bride,  qu'ils  ne  concoivent  tousiours  quelques  vaines  pensees:  il  faut  donc  que  ie  soye  encores  muni,  que  ie  refreschisse  la  memoire  de  mon  Dieu,  et  que  ie  me  repose  la  du  tout,  que  ie  me  remette  a  luy:  car  si  i'atten  long  temps,  i'en  seray  tellement  aliene,  que  ie  ne  pourray  plus  trouver  le  chemin.  Comme  quand  un  homme  ne  se  soucie,  qu'il  va  tousiours  le  grand  galot  (comme  on  dit)  et  qu'ils  ne  tienne  pas  le  droit  chemin,  ou  qu'il  ne  s'en  advise  pas:  d'autant  plus  qu'il  cheminera  longuement,  tant  plus  sera-il  esloigne:  et  mesmes,  encores  qu'il  y  ait  gens  pour  Tadresser,  s'il  ne  tient  conte  de  reprendre  la  bonne  adresse,  il  est  bien  digne  de  se*fourvoyer.  Si  on  luy  dit:  II  vous  faut  tirer  de  ce  coste-la,  et  cependant  qu'il  s'en  aille  tout  au  rebours,  comme  s'il  avoit  son  esprit  esgare  en  l'air,  et  qu'il  poursuyve  tousiours:  en  la  fin  il  se  trouvera  bien  eslongne  du  bon  chemin.  Et  ainsi  advisons  de  n'estre  point  tellement