21:116  mes  ausquels  il  lui  a  este  force  de  s'opposer  pour  ce  que  dessus,  ont  honore  sa  constance  par  leur  propre  tesmoignage?  I'en  pourrois  nommer  trois  pour  le  moins,  que  ie  ne  nommeray  toutesfois,  deux  desquels  estans  menez  au  supplice  pour  leurs  crimes,  ne  se  pouvoyent  saouler,  a  la  veue  de  tout  le  peuple,  de  le  honorer  et  remercier  iusques  a  la  derniere  issue,  l'appellans  leur  pere:  de  la  presence,  advertissemens,  et  prieres  duquel  ils  se  crioyent  estre  indignes,  pour  n'avoir  escoute  ses  remonstrances  paternelles.  Le  tiers,  estant  en  son  lict  malade  a  la  mort,  apres  avoir  este  durant  sa  vie  le  conseil  de  tous  les  desbauchez,  ne  se  pouvoit  iamais  persuader  que  Dieu  luy  eust  pardonne,  si  son  fidele  serviteur  qu'il  avoit  tant  offense  ne  lui  avoit  aussi  pardonne:  tant  s'en  faut  que  ceux-ci  l'ayent  argue,  ie  ne  di  pas  de  cruaute,  mais  de  severite  trop  grande.  Ie  confesse  qu'il  a  tousiours  remonstre  aux  Magistrats,  combien  Paceeption  de  personnes  estoit  detestable  devant  Dieu:  qu'il  faloit  tenir  la  balance  egale:  que  Dieu  avoit  en  abomination  non  seulement  ceux  qui  condamnoyent  l'innocent,  mais  aussi  ceux  qui  absolvoyent  le  coulpable.  Mais  si  c'est  vice  de  parler  ainsi,  et  le  pratiquer,  il  faudra  donc  condamner  le  sainct  Esprit  qui  en  a  donne  la  sentence:  ou  si  c'est  le  contraire,  il  faut  que  tels  blasphemateurs,  qui  appellent  l'ordonnance  de  Dieu  cruaute,  ayent  la  bouche  close.  Mais,  disent-ils,  il  a  este  trop  rigoureux  aux  adulteres  et  aux  heretiques.  Ie  pourrois  bien  respondre  ce  qui  est  vray,  comme  toute  la  ville  le  scait,  qu'il  ne  iugea  iamais  personne:  car  ce  n'estoit  pas  son  estat,  et  il  n'y  pensa  onques:1)  et  si  on  luy  a  demande  advis,  non  point  pour  confondre  les  estats  que  Dieu  a  distinguez,  mais  pour  estre  reglez  selon  la  parole  du  Seigneur,  ie  scay  bien  que  ie  seray  advoue,  quand  ie  diray  que  on  n'a  pas  tousiours  suivi  son  conseil.  Mais  laissant  cela,  que  pourront  alleguer  tels  misericordieux  censeurs,  quand  ie  leur  diray  ce  qui  est  vray:  c'est  qu'il  n'y  eut  iamais  republique  bien  policee,  en  laquelle  l'adultere  n'ait  este  iuge  digne  [I  1]  de  mort:  et  que  cependant  il  ne  se  trouvera  point  qu'un  simple  adultere  ait  este  puni  en  ceste  cite  de  peine  capitale?  Quant  aux  heretiques,  ou  est,  ie  vous  prie,  ceste  grande  rigueur?  ou  est-ce  que  ce  sanguinaire  a  monstre  un  sanglant  naturel?  Il  y  a  bien  peu  de  villes  de  Suisse  et  de  Allemagne  ou  l'on  n'ait  fait  mourir  des  Anabaptistes,  et  a  bon  droit:  ici  on  s'est  contente  de  bannissement.  Bolsec  y  a  blaspheme  contre  la  Providence  de  Dieu:  Sebastian  Chastillon  y  a  blasonne  les  livres  mesmes  de  la  saincte  Escriture:  Valentin  y  a  blaspheme  contre  l'essence  Divine.  Nul  de  ceux-la  n'y  est  mort:  les  deux  ont  este  simplement  bannis,  le  tiers  1)  jamais  F.