20:116  ipsi,  qui  regendis  aliis  praeerunt,  arctioribus  etiam  disciplinae  vinculis  quam  alii  ex  'medio  coetu  contineantur.  Summum  igitur  hoc  est,  quod  a  vobis  per  Dominum  unice  contendo,  quantum  et  vos  patris  coelestis  praesidio  fovendos  et  ovium  nativam  docilitatem  illi  exhibendam  a  vobis  exoptatis,  ut  mansueto  animo  admittatis,  quidquid  ipse  praescribit,  tum  in  vestram  salutem,  tum  praesertim  ut  obstruatur  os  impiis,  ne  per  illos  vestra  ulla  occasione  nomen  ipsius  blasphemetur.  Dominus  et  pater  misericordiarum  complectatur  vos  suo  praesidio,  spiritu  regat,  atque  omnibus  suis  bonis  locupletet.  Genevae,  31.  Iulii  1563.  3998.  CALVINUS  HENRICO  NAVARRENO.  Dedicatio  Commentarii  in  libros  Mosis.  *)  (Ex  editione  principe.  Genev.  excnd.  Henr.  Stephanus  1563  fol.)  Illustrissimo  Principi  Henrico  duci  Vindocinensi  regni  Navarrae  haeredi  Ioannes  Calvinus.  Quod  hunc  meum  laborem  tibi  dicare  veritus  non  sum,  illustrissime  Princeps,  ut  sub  tuo  nomine  in  lucem  exeat,  si  consilium  in  eo  meum  plerique  reprehendant,  nihil  mihi  novum  vel  inopinatum  accidet  Obiicient  enim  ex  hac  inscriptione  odium  tibi  conflari  apud  improbos  qui  iam  plus  satis  tibi  infesti  sunt.  Verum  quando  in  hac  tenera  aetate  2)  inter  varios  terrores  et  minas  ea  te  animi  magnitudine  Deus  instruxit  ut  nunquam  a  sincera  et  ingenua  fidei  professione  fueris  abductus,  meo  testimonio  confirmari  quod  palam  vis  omnibus  manifestum  esse,  quid  tibi  noceat  non  video.  Quando  itaque  te  evangelii  Christi  non  pudet,  iustam  mihi  fiduciae  materiam  dare  visa  est  haec  tua  libertas  ut  tibi  gratularer  de  tam  felicibus  exordiis,  et  in  posterum  ad  invictam  constantiam  hortarer.  Nam  quod  optimis  quibusque  naturis  accidit,  ut  sint  flexibiles,  adulescentibus,  usquedum  magis  compositi  fuerint,  commune  est.  Quod  si  quibus  displiceat  meum  studium,  modo  nobilissimae  "Reginae  matri  tuae  probetur  (quod  futu-  3998.1)  Olim  Genesin  separatim  editam  principibus  Saxonicis  dicaverat  (N.  1991);  nunc  ab  illis  Luther  anismi  rigidissimi  hyperaspistis  se  ad  alium  convertit,  cui  magna  ex  parte  iisdem  verbis  totum  Pentateuchum  nuncupat.  Quae  nova  praemisit  aut  addidit  literis  cursivis  exprimendum  curavimus.  2)  Natus  erat  a.  d.  XV  IL  Cal  Oct.  a.  1550.