19:116  3613.  N.  A  CALVIN.  Demande  d'un  pasteur  pour  Valence.  (Autographe  de  la  Bibliotheque  de  Geneve.  Vol.  197,  fol.  8.)  A  Monsieur  Monsieur  depville  a  Geneve.  Monsieur,  estant  en  ceste  ville  de  Lyon  noz  freres  de  Valence  mont  adverty  de  la  responce  quil  vous  a  pleu  leur  faire  touchant  le  pasteur  et  ministre  que  nous  demandons  duquel  nous  ne  nous  pouvons  plus  passer  pour  rayson  du  grand  nombre  des  fidelles  qui  de  jour  a  aultre  saugmente  a  Valence  1)  et  dallieurs  que  pour  le  jourdhuy  nous  esperons  estre  fortiffiez  et  en  bonne  asseurance.  Car  nostre  gouverneur  a  les  mains  liees  et  luy  est  commande  de  se  tayre,  ce  quil  fera.  Parquoy,  Monsieur,  ne  fault  doubter  aulcune  chose  en  ceste  cause.  Je  me  suis  advise  vous  escripre  la  presente  par  ce  pourteur  expres  avecques  ce  que  vous  en  escript  monsieur  Danduze  vostre  beau  frere  a  ce  quil  vous  playse  nous  vouloir  tant  faire  de  bien  que  de  supplyer  nos  seigneurs  et  peres  aux  fins  quilz  ayent  pitye  de  nous  et  que  a  ses*  fins  leur  bon  playsir  soit  nous  faire  avoir  ung  bon  pasteur  qui  soit  docte  de  bonne  vye  et  saincte  conversation,  qui  nous  puysse  en  toute  purite  et  fidellite  prescher  et  anoncer  le  sainct  evangille.  Je  le  retireray  a  ma  maison  et  avecques  layde  du  seigneur  Dieu  le  mectray  en  telle  et  si  bonne  asseurance  que  moy  et  plus  de  mil  personnes  que  nous  serons  exposerons  noz  vyes  a  la  mort  avant  que  nous  permettions  ne  souffrions  que  luy  soit  faict  aulcun  tort  a  sa  personne.  Parquoy,  Monsieur,  il  vous  plaira  avoir  souvenance  de  nous  et  vous  y  employer  et  sil  vous  plaist  me  faire  responce  par  ce  pourteur  qui  soit  telle  que  nous  puyssions  avoir  ce  que  nous  demandons  a  ce  que  nous  nous  acheminions  pour  laller  querir  en  bonne  asseurance.  Ce  que  nous  ferons  quant  loccasion  se  presentera,  nous  tenans  tous  asseures  de  vostre  bonne  volunte  et  de  la  dilligence  quil  vous  plaira  y  faire.  Je  ne  vous  feray  la  presente  plus  longue  si  non  que  je  me  recommanderay  tres  humblement  a  vostre  bonne  grace  daussi  bon  cueur  que  je  prye  nostre  bon  Dieu  et  pere  par  Jesus  Christ  son  filz  nostre  seigneur  vous  donner,  3613.1)  Valence  avait  traverse  de  terribles  crises  sous  V  administration  du  lieutenant-general  La  Motte  Goudrin,  qui  fit  decapiter  le  ministre  Duval,  expulsa  le  ministre  Houx  et  incarcerer  plusieurs  personnes.