10.1:116  qu'il  face  comme  une  profession  de  sa  Chrestiente,  en  presence  de  l'Eglise,  et  que  pour  ce  faire  on  reserve  les  quatre  dimanches  devant  la  Cene.  Devant  qu'avoir  faict  cela,  que  nul  enfant  ne  soit  admis  a  recevoir  la  Cene:  et  qu'on  advertisse  les  parents  de  ne  les  amener  devant  le  temps.  Car  c'est  chose  fort  perilleuse  tant  pour  les  enfans  que  pour  les  peres,  de  les  ingerer  sans  bonne  et  suffisante  instruction:  pour  laquelle  cognoistre  il  est  besoin  d'user  de  cest  ordre.  Afin  qu'il  n'y  ait  faute,  qu'il  soit  ordonne  que  les  enfans  qui  viennent  a  l'escole  s'assemblent  la  devant  midi,  et  que  les  maistres  les  meinent  par  bon  ordre  en  chacune  parroisse.  [page  44]  Les  autres,  que  les  peres  les  envoyent  ou  facent  conduire:  et  afin  qu'il  y  ait  moins  de  confusion  que  on  observe  autant  que  faire  se  pourra  la  distinction  des  paroisses  en  cest  endroit,  comme  il  a  este  dit  cidessus  des  Sacremens.  Que  ceux  qui  contreviendront  soyent  appellez  devant  la  compagnie  des  Anciens  ou  commis:  et  s'ils  ne  vouloyent  obtemperer  a  bon  Conseil,  qu'il  en  soit  faict  rapport  a  la  Seigneurie.  Pour  adviser  lesquels  feront  leur  devoir  ou  non,  que  les  commis  susdicts  ayent  l'oeil  dessus  pour  s'en  donner  garde.  De  Tordre  qu'on  doit  tenir  envers  les  grands,  pour  observer  bonne  police  en  V  Eglise.  D'autant  qu'en  la  confusion  de  la  Papaute  plusieurs  n'ont  este  enseignez  en  leur  enfance,  tellement  qu'estans  en  aage  d'hommes  et  de  femmes  ne  savent  que  c'est  de  Chrestiente  :  nous  avons  ordonne  qu'il  se  face  visitation  chacun  an  par  les  maisons,  pour  examiner  chacun  simplement  de  sa  foy,  afin  que  pour  le  moins  nul  ne  vienne  a  la  Cene  sans  savoir,  quel  est  le  fondement  de  son  salut:  et  surtout  qu'on  ait  l'oeil  sur  serviteurs,  chambrieres,  nourrices  et  gens  estranges  estans  venuz  d'ailleurs  ici  pour  y  habiter:  afin  que  nul  ne  soit  admis  a  la  Cene  devant  qu'avoir  este  approuve.  Que  la  dicte  visitation  se  face  devant  la  Cene  de  [page  45]  Pasques  et  qu'on  prenne  assez  bonne  espace  de  temps  pour  avoir  loisir  de  la  parachever.  Que  les  Ministres  partissent  entre  eux,  selon  qu'ils  aviseront,  les  quartiers  ausquels  ils  pourront  fournir,  mesmes  qu'ils  suivent  l'ordre  des  dizaines:  et  que  chacun  ait  avec  soy  un  des  Anciens  du  Con-