7:115  115  BRIEVE  INSTRUCTION  116  rien  a.  mon  propos  qui  ne  soit  certain.  L'Apostre  done  ayant  parle  comment  Christ  a  este  humilie,  ayant  aussi  remonstre,  qu'il  faut  que  tous  fideles  soyent  faictz  conformes  a  luy,  il  adiouste  pour  consolation,  que  Iesus  Christ  n'a  pas  este  vaincu  par  la  mort:  mais  qu'il  en  a  este  superieur.  Consequemment,  afin  de  nous  certifier  que  ceste  vertu  de  sa  resurrection  [page  135]  nous  appartient,  il  dict,  que  non  seulement  les  vivans  l'ont  sentie,  mais  aussi  les  mortz:  et  non  seulement  les  fideles,  mais  aussi  les  incredules  et  rebelles.  Il  est  vray,  que  quand  ce  vient  a  distinguer,  il  ne  parle  que  de  la  seconde  espece:  mais  cela  n'empesche  point,  qu'il  ne  parle  premierement  de  tous  en  general.  Touchant  de  ce  qu'il  met  les  ames,  tant  des  bons  que  des  mauvais,  en  prison,  c'est  pour  signifier  le  desir  vehement  qu'avoyent  les  fideles  de  la  venue  de  Iesus  Christ,  lequel  les  tenoit  comme  en  angoisse.  Le  sens  donc  est  tel,  que  la  vertu  de  la  redemption  faicte  par  Christ,  est  apparue  aux  ames  des  mortz,  tant  des  fideles  comme  des  incredules.  Mais  quand  ce  vient  a  parler  en  especial,  il  laisse  les  premiers.  Toutesfoys  afin  que  nous  ne  soyons  point  en  dispute  touchant  du  sens,  comme  il  n'en  est  point  de  mestier  quant  a  la  matiere  presente,  seulement  ie  demande  a,  mes  gens,  assavoir  si  les  espritz,  dont  parle  l'apostre,  ne  sont  pas  ames  vivantes?  D'avantage,  il  adiouste  une  autre  sentence,  qui  est  encore  plus  claire:  assavoir  que  l'Evangile  a  este  presche  aux  mortz,  afin  qu'ilz  soyent  condamnez  en  la  chair,  quant  aux  hommes,  mais  qu'ilz  vivent  a  Dieu,  selon  l'esprit  (1  Pierre  4,  6).  Nous  voyons  comment  il  n'assubiectit  a  la  [page  136]  mort  que  le  corps,  reservant  l'ame  en  vie.  Le  semblable  avoit  este  demonstre  au  paravant  par  Salomon,  quand  en  decouvrant  la  mort  de  l'homme,  il  separe  l'ame  du  corps  de  bien  loing:  iusques  a  tant,  dit-il,  que  la  terre  s'en  retourne  en  sa  terre,  dont  elle  est  prinse,  et  que  l'esprit  s'en  aille  a  Dieu  qui  l'a  donne  (Eccles.  12,  7).  Si  on  glose  que  le  mot  d'esprit  ne  signifie  que  vie,  il  n'y  a  si  petit  enfant  qui  ne  voye  que  c'est  corrompre  le  texte.  Il  est  vray  que  quand  il  n'y  auroit  tesmoignage  que  ceste  sentence  de  Moyse,  ou  il  dict  (Exod.  3,  0),  que  Dieu  est  le  Dieu  d'Abraham,  Isaac  et  Iacob,  troys  cens  ans  ou  environ  apres  leur  mort,  il  suffiroit  bien  pour  ceux  qui  ne  voudroyent  point  estre  contentieux.  Mais  encor,  quelque  opiniastrete  qu'il  y  ait  aux  contredisans,  si  est-ce  que  l'exposition  que  nostre  Seigneur  Iesus  donne  de  ces  motz,  en  oste  toute  doute.  C'est  qu'il  remonstre  que  son  pere  n'est  point  le  Dieu  des  mortz,  mais  des  vivans  (Matth.  22,  32).  Ie  say  bien  qu'ilz  repliquent,  que  les  mortz  sont  appelles  vivans,  a  cause  de  l'esperance  de  la  resurrection.  Mais  cela  n'est  rien.  Car  puis  que  ainsi  est,  que