6:115  LE  CATECHISME  DE  GENEVE.  L'ENFANT7  Pour  signifier,  qu'il  ne  nous  fault  pas  amuser  au  signe  terrien,  pour  la  chercher  nostre  salut:  et  ne  nous  fault  pas  imaginer,  qu'il  y  ait  la  quelque  vertu  enclose,  mais  au  contraire,  que  nous  prenions  le  signe  pour  une  aide,  qui  nous  conduise  droictement  au  Seigneur  Iesus,  pour  chercher  en  luy  salut  et  tout  bien.  LE  MINISTRE.  Veu  que  la  Foy  y  est  requise,  comment  distu  qu'ilz  nous  sont  donnez  pour  nous  confermer  en  Foy,  nous  asseurant  des  promesses  de  Dieu?  L'ENFANT.  Il  ne  suffit  pas  que  la  Foy  soit  seulement  commencee  en  nous  pour  une  fois:  mais  faut  qu'elle  soit  nourrie  et  entretenue,  puis  qu'elle  croisse  iournellement,  et  soit  augmentee  en  nous.  Pour  la  nourrir  donc,  pour  la  fortifier  et  l'accroistre,  Dieu  nous  donne  les  Sacremens.  Ce  que  sainct  Paul  denote,  en  disant  que  l'usage  d'iceux  est  de  seeller  les  promesses  de  Dieu  en  noz  cueurs  (Rom.  4,  l  l  )  .  LE  MINISTRE.  Mais  n'est-ce  pas  signe  d'infidelite,  quand  les  promesses  de  Dieu  ne  nous  sont  pas  assez  fermes  d'ellesmesmes,  sans  aide?  L'ENFANT.  C'est  signe  de  petitesse,  et  infirmite  de  Foy:  laquelle  est  bien  aux  enfans  de  Dieu,  qui  ne  laissent  pas  pourtant  d'estre  fideles:  mais  ce  n'est  pas  encore  en  perfection.  Car  cependant  que  nous  vivons  en  ce  monde,  il  y  a  tousiours  quelques  reliques  de  deffiance  en  nostre  chair:  et  pourtant  nous  faut-il  tousiours  profiter  et  croistre.  LE  MINISTKE.  l  )  Combien  y  a  il  de  Sacremens  en  l'Eglise  Chrestienne?  L'ENFANT.  Il  n'y  en  a  que  deux  communs,  que  le  Seigneur  [fol.  59]  Iesus  ait  institue  pour  toute  la  Compagnie  des  fideles.  LE  MINISTRE.  Quelz?  L'ENFANT.  Assavoir  Ie  Baptesme,  et  la  saincte  Cene.  LE  MINISTRE.  Quelle  convenance  et  difference  y  a-il  de  l'un  a  l'autre?  L'ENFANT.  Le  Baptesme  nous  est  comme  une  entree  en  l'Eglise  de  Dieu.  Car  il  nous  testifie  que  Dieu,  au  lieu  que  nous  estions  estrangiers  de  luy,  nous  receoit  pour  ses  domestiques.  La  Cene  nous  est