52:115  115  EPIST.  PAULI  AD  COLOSSENSES  116  Item  ad  Corinthios  (1.  Ep.  6,  13),  Esca  ventri  et  venter  escis  :  Deus  utrumque  destruet.  Et  Christus  ipse,  Quidquid  in  os  intrat,  non  coinquinat  hominem:  quia  in  alvum  descendit,  et  eiicitur  f  Matth.  15,  l  l  )  .  Summa  est,  cultum  Dei,  veram  pietatem  et  Christianorum  sanctimoniam  non  consistere  in  potu,  et  ciho,  et  vestitu:  quae  sunt  res  fluxae  et  corruptioni  obnoxiae,  et  quae  pereunt  abusu.  Nam  abusus  proprie  dicitur  earum  rerum,  quas  usus  corrumpit.  Nihil  itaque  sunt  placita  de  iis  rebus,  quae  ad  religionem  conscientiis  iniiciendam  feruntur.  Atqui  in  papatu  vix  aliam  sanctitatem  reperias,  quam  in  rerum  corruptibilem  observatiunculis.  Sequitur  altera  refutatio,  quod  scilicet  ab  hominibus  sint  profecta,  nec  Deum  habeant  autorem.  Quo  fulmine  prosternit  et  absorbet  universas  hominum  traditiones.  Quid  enim?  Haec  est  ratiocinatio  Pauli,  Iniuriam  Christo  iaciunt,  et  eius  mortem  exinaniunt  qui  conscientias  redigunt  in  servitutem.  Nam  quidquid  est  ex  hominum  inventione,  conscientiam  non  ligat.  23.  Quae  speciem  quidem  habent  Occupatio  est,  in  qua  dum  concedit  adversariis  quod  obtendere  poterant,  simul  id  totum  pro  nihilo}  ducit.  Perinde  enim  est  ac  si  diceret,  se  non  morari  quod  speciem  habeant  sapientiae.  Caeterum  veritati  opponitur  species.  Est  enim  apparentia,  ut  vulgo  loquuntur,  quae  similitudine  decipit.  Observa  autem  quibus  coloribus  haec  species  constet  secundum  Paulum.  Tres  autem  nominat,  electitium  cultum,  humilitatem,  et  corporis  neglectum.  Superstitio  Graecis  dicitur  eftsXo&p^axeta  :  quam  vocem  hic  usurpat  Paulus.  Sed  respexit  ad  etymologiam  ipsam.  Nam  ad  verbum  e&sAofrp^axsia  est  voluntarius  cultus,  quem  sibi  proprio  arbitratu  deligunt  homines,  Dei  iniussu.  Humanae  igitur  traditiones  ideo  nobis  arrident  quod  sunt  ingenio  nostro  consentaneae:  quisque  enim  in  suo  cerebro  reperiet  illarum  ideas.  Hic  est  primus  color.  Secundus  est  humilitas,  quia  praetenditur  Dei  pariter  et  hominum  oboedientia:  ut  ne  iniusta  quidem  onera  recusent  homines.  Et  fere  hoc  habent  eiusmodi  traditiones,  ut  videantur  esse  humilitatis  optima  exercitia.  Placent  etiam  tertio  colore,  quia  videntur  plurimum  valere  ad  carnis  mortificationem,  dum  corpori  non  parcitur.  Sed  Paulus  valere  iubet  sitos  fucos.  Nam  et  quod  altum  est  hominibus,  abominatio  saepe  est  apud  Deum.  Deinde  haec  est  praevaricatrix  oboedientia,  et  perversa  ac  sacrilega  humilitas,  quae  Dei  autoritatem  transfert  ad  homines.  Et  corporis  neglectus  non  tanti  est  ut  debeat  venditari  pro  Dei  cultu.  Sed  mirabitur  quispiam,  Paulum  non  magis  laborare  in  detrahendis  istis  larvis.  Respondeo,  ipsum  merito  sola  voce  speciei  fuisse  contentum.  Nam  principia,  quae  exadverso  sumpserat,  sunt  invicta,  in  Christo  esse