51:115  115  SERMONS  116  les  oyent  et  maintiennent  en  toute  purite  la  doctrine  qui  leur  est  commise.  Quand  nous  suyvrons  ce  qui  nous  est  ici  monstre,  il  est  certain  que  nostre  foy  ne  chancelera  pas.  Comme  auiourd'huy  il  y  en  a  beaucoup  qui  ne  scavent  ce  qu'ils  doivent  faire,  et  cependant  ils  diront,  Ie  crain  les  troubles  et  diversitez  d'opinions,  et  les  combats  qui  sont  en  ce  monde.  Les  uns  diront  bien,  il  me  faudroit  du  tout  addonner  a  nostre  Seigneur  Iesus  Christ:  mais  il  y  en  a  d'autres  qui  tiennent  un  chemin  plus  gracieux,  et  qui  voudroyent  qu'il  y  eust  une  reformation  seulement  a  demi.  Et  auquel  croiray-ie?  Ouvre  les  yeux:  car  tous  ceux  qui  amenent  tous  ces  subterfuges-la  ne  cerchent  point  ce  qu'ils  doivent  suyvre  a  la  verite:  mais  ils  sont  bien  aises  d'avoir  quelque  voile  pour  cacher  leur  turpitude,  et  veulent  estre  flattez:  mais  cependant  que  gagnent-ils?  Car  Satan  les  mene  a  perdition,  et  ils  le  veulent  suyvre,  d'autant  qu'ils  craignent  leur  vie  ils  aiment  l'ombre,  et  qu'ils  sont  addonnez  a  leurs  delices,  et  cerchent  leurs  commoditez.  Il  faut  donc  qu'ils  ayent  leur  payement  tel  qu'ils  meritent.  Mais  quoy  qu'il  en  soit,  ceux  a  qui  leur  escient  est  abruti,  sainct  Paul  declare  qu'ils  sont  ainsi  preoccupez  de  Satan,  pour  estre  la  en  perplexite,  et  ne  scavoir  que  faire,  d'autant  qu'ils  ne  regardent  pas  que  ceux  qui  portent  simplement  la  verite  de  l'Evangile  ne  sont  point  gens  pliables:  mais  vont  leur  train,  et  ne  regardent  pas  si  la  doctrine  sera  agreable  au  monde  ou  non:  mais  puis  que  Dieu  leur  commande  de  parler  ainsi,  ils  le  font.  A  l'opposite  ceux  qui  font  des  mignards  pour  dire  qu'on  se  doit  garder,  et  qu'il  ne  faut  point  se  ietter  ainsi  hors  des  gonds,  et  qui  veulent  qu'on  se  contreface,  et  qu'on  soit  double,  ii  est  certain  que  ceux-la  ne  sont  point  menez  ni  de  zele  ni  d'affection  de  servir  a  Dieu:  ils  ne  regardent  point  ni  a  l'edification  ni  au  salut  de  l'Eglise,  bref,  ils  n'ont  autre  solicitude  sinon  de  fuir  toute  persecution,  et  se  maintenir  en  leur  aise,  et  qu'on  ne  puisse  mordre  sur  eux.  Or  donc  puis  que  cela  est  assez  notoire,  il  est  certain  que  tous  ceux  qui  auiourd'huy  se  tiennent  ainsi  en  leur  nid,  et  offensent  Dieu,  qu'ils  n'ont  nulle  excuse.  Pourquoy?  Sainct  Paul  nous  donne  ici  une  marque  infallible,  laquelle  nous  monstre  quels  sont  les  vrais  serviteurs  de  Dieu,  et  les  mercenaires  qu'il  nous  faut  fuir:  c'est  a  scavoir  qui  ne  demandent  qu'a  nourrir  leur  ventre  et  avoir  leurs  commoditez  en  ce  monde.  La  dessus  il  adiouste,  afin  qu'ils  ne  souffrent  point  persecution  de  la  croix  de  Christ  Sous  ce  mot  de  croix  il  n'y  a  nulle  doute  que  sainct  Paul  ne  comprenne  toute  la  doctrine:  mais  il  regarde  qu'il  est  bien  difficile  qu'on  presche  en  toute  simplicite  ce  qui  est  contenu  en  la  parole  de  Dieu,  qu'il  n'y