30:115  115  HOMILIA  LIV.  116  olim,  quod  et  nunc  pseudochristiani  papistici,  qui  ab  ethnicis  modo  hos  modo  illos  ritus  mutuati  sunt,  et  semper  alios  aliis  cumularunt.  Nonnunquam  vero  sic  a  Deo  recedunt  homines,  ut  tamen  in  specie  condemnari  non  possint.  Exempli  gratia:  Iudaei  praescriptos  a  Deo  ritus  in  lege  saepe  diligenter  observarunt,  oblatis  in  Dei  templo  sacrificiis,  et  caeteris  omnibus  quae  lege  praecipiebantur  observatis.  Sed  interim  Dei  nominis  contemptores  erant,  falsitatis  et  rebellionis  coram  ipso  rei:  crudeles  et  perfidi,  fraudibus,  rapinis  et  praedis  dediti,  qui  tamen  Deo  caeremoniis  illis  externis  pulchre  satisfactum  volebant.  Unde  merito  conqueritur  de  illis  Dominus,  inquiens:  An  domus  mea  spelunca  est  latronum?  Vos  enim  pleni  estis  rapinis.  Et  apud  Ieremiam  prophetam  7.  capite  Deus  ita  de  illis  conqueritur:  Venitisne  in  templum  meum  oblaiuri  quae  mihi  sunt  abominationi  I  Nae  ego  vos  a  facie  mea  reiiciam,  ferre  vos  amplius  non  possum.  Et  apud  Esaiam:  Qui  immolat  bovem,  quasi  qui  interficiat  virum:  qui  mactat  pecus,  quasi  qui  excerebret  canem:  qui  offert  oblationem,  quasi  qui  sanguinem  suillum  offerat:  qui  recordatur  thuris,  quasi  qui  benedicat  idolo.  Haec  omnia  elegerunt  in  viis  suis,  et  in  abominationibus  suis  anima  eorum  delectata  est.  Idcirco  etiam  Psalmo  50  Deus  istiusmodi  hypocritas  sic  compellat:  Numquid  comedam  carnem  taurorum,  et  sanguinem  hircorum  bibam?  Non  accipiam  de  domo  tua  vitulos,  neque  de  gregibus  tuis  hircos:  quoniam  meae  sunt  omnes  ferae  sylvarum,  iumenta  in  montibus  et  boves.  Si  esuriero,  non  dicam  tibi:  meus  enim  est  orbis  terrae  et  plenitudo  eius.  Vestra  itaque  sacrificia  natura  sunt  vana  et  inania,  sed  si  afflictione  aliqua  urgeamini,  quaenam  mihi  grata  fore  existimatis?  Immolate  Deo  sacrificium  laudis:  et  reddite  Altissimo  vota  vestra.  Invocate  me  in  die  tribulationis,  et  eruam  vos,  et  honorificabis  me.  En  quae  sacrificia  Deus  laudet,  et  quas  victimas  gratas  habeat:  ac  proinde  ostendit  illas  omnes  figuras  et  umbras  inanes  esse  et  ludicras,  nisi  ad  finem  ab  ipso  praescriptum  referantur.  Porro  quum  mentionem  audimus  fieri  precum  et  orationum,  non  inde  tamen  sequitur,  nihil  aliud  in  ipsius  cultu  requiri,  sed  sub  una  parte  reliqua  omnia  continentur:  quae  scripturae  est  usitata  loquendi  ratio.  Sic  apud  Michaeam  prophetam  Deus  populum  compellat:  Numquid  placari  potest  Dominus  in  millibus  arietum,  aut  in  multis  millibus  hircorum  pinguium?  Indicabo  tibi,  o  homo,  quid  sit  bonum,  et  quid  Dominus  requirat  a  te.  Utique  facere  iudicium,  et  diligere  misericordiam,  et  solicitum  ambulare  cum  Deo  tuo.  Caeterum  quaedam  in  istis  repugnantia  videretur,  quum  ait  :  Invoca  me,  et  alibi  :  Ambulato  in  timore,  et  humiliare  coram  Deo.  Sed  nulla  omnino  est  repugnantia,  quandoquidem  illis  verbis  Deus  ostendit  hunc  esse  sibi  gratum  cultum  quum  ho-