27:115  115  SERMON  LXXVII.  116  nostre  Esprit  soit  vagabonds  il  nous  retire  a  soy,  et  nous  declaire  que  nous  ne  devons  point  estre  ainsi  extravagans  en  nos  vaines  phantasies.  Nous  voyons  donc  maintenant  quelle  est  la  somme  de  ce  qui  est  ici  contenu.  Or  desia  il  y  a  eu  une  pareille  sentence  au  6.  chap.  Mais  cela  nous  monstre  encores  plus  expressement  que  ce  n'est  point  assez  de  nous  avoir  une  fois  retire  de  nos  pensees  vaines  et  volages:  mais  qu'il  faut  que  Dieu  y  retourne,  et  qu'il  nous  ramentoive  nostre  tardifvete  et  paresse:  ou  autrement  nous  y  demeurerons  tousiours:  et  qu'il  nous  remonstre  aussi  la  debilite  et  foiblesse  de  nos  esprits.  Et  de  faict  l'experience  le  monstre:  car  il  ne  faut  qu'une  mouche  nous  voler  devant  les  yeux,  que  nous  courons  apres,  et  nous  voulons  la  arrester:  nous  faisons  des  chasteaux  en  l'air,  et  tout  est  incontinent  esvanoui.  Or  maintenant  veu  qu'il  y  a  tant  de  vanitez  en  nostre  cerveau,  nous  esbahissons-nous  si  nous  eschappons  bien  tost  a  Dieu?  Combien  y  a-il  d'occasions  en  ce  monde,  pour  nous  destourner  et  ca  et  la,  tellement  que  nous  serons  distraits  et  divertis  devant  que  nous  y  ayons  pense?  Et  puis  Satan  a  un  artifice  tel,  que  sinon  que  nous  soyons  bien  munis  a  l'opposite,  iamais  nous  ne  persisterons  en  l'obeissance  de  nostre  Dieu.  Ceste  repetition  donc  n'est  point  superflue,  quand  Dieu  derechef  declaire  qu'il  nous  est  bon  d'avoir  sa  Loy  escrite  par  tout,  que  nous  contions  a  nos  doigts  ses  commandemens:  comme  il  les  a  disposez  aussi  en  dix  parolles,  afin  que  la  chose  nous  fust  plustost  cogneue:  qu'autant  qu'il  y  a  de  doigts  en  nos  mains,  voila  les  commandemens  de  Dieu  qui  sont  partis  en  tel  nombre,  afin  que  la  memoire  en  soit  plus  aisee  a  retenir:  qu'il  n'y  a  point  de  grans  registres  qui  fussent  difficiles  a  comprendre,  mais  il  nous  a  donne  une  reigle  si  briefve,  que  si  nous  ne  la  comprenons  bien  tost,  nous  sommes  convaincus  de  rebellion:  brief  il  n'y  a  nulle  excuse,  si  nous  ne  fermons  les  yeux  a  nostre  escient,  que  nous  n'ayons  tantost  apprins  ce  que  Dieu  nous  monstre.  Et  puis  quand  il  veut  qu'au  lieu  des  paremens  ausquels  les  hommes  et  les  femmes  sont  addonnez  par  trop,  voire  par  une  folle  convoitise  et  ambition,  qu'il  veut  que  nous  ayons  quelque  memorial  de  sa  Loy,  afin  d'estre  tousiours  retenus,  s'il  nous  advient  de  nous  esgarer,  ou  bien  d'estre  retenus  en  ce  monde,  et  d'estre  desbauchez,  quelle  excuse  y  aura-il  plus?  Voila  donc  quant  a  ce  passage.  Mais  comme  le  monde  est  suiet  a  hypocrisie,  et  mesmes  qu'il  se  mocque  impudemment  de  toutes  ordonnances  de  Dieu,  les  Iuifs  ont  bien  fait  des  fronteaux  de  quelques  sentences  de  la  Loy,  ils  ont  bien  observe,  quant  a  la  Loy,  ce  qui  est  ici  dit:  ils  avoyent  des  bracelets,  ils  avoyent  leurs  roleaux,  et  leurs  paremens  de  teste,  qu'il  sembloit  qu'il  n'y