20:115  115  EPISTOLAE  3997.3998  116  filium  Dei  agnoscendum  adiungi  paterentur:  sed  quum  illud  sit  decretum  patris,  ut  exstet  inter  medios  hostes  filii  regnum,  sustinete  patienter  quod  mon  sine  moerore  a  vobis  audiri  potest.  Interea  vero  ne  pudeat  adhaerere  Domino  cum  perpetua  demissione  et  humilitate,  dum  impii  quasi  victores  passim  exsultant.  Ac  si  illud  vos  angit,  quod  ipsa  coelestis  veritas,  quam  omni  rerum  praesentium  comparatione  superiorem  nobis  esse  oportet,  ita  despecta  iaceat  inter  illos,  vos  ipsi  operam  date,  ut  errantes  reducantur  in  viam.  Ut  eo  perveniatis,  vestro  inprimis  exemplo  illos  afficite,  ut  quod  ad  vos  non  accedunt  pudorem  ipsis  afferat.  Nominatim  ut  rectus  ille  ordo,  qui  soliditatis  vestrae  in  Christum  fidei  fructus  sit,  exstet  apud  vos,  cuius  testimonio  agnoscere  cogantur  Deum  inter  vos  praesidere.  Scitis  hoc  ipsos  in  ore  habere,  quod  nihil  aliud  quam  vagantem  et  effraenem  licentiam  invehere  quaeramus.  Ergo  ipsis  re  ipsa  commonstrandum  est,  nos  non  alio  animo  excussisse  Antichristi  iugum,  quam  ut  Christi  ipsius  iugum  admitteremus.  Atqui  res  longe  aliter  se  habet.  Qui  enim  intolerabiles  illas  conscientiarum  fidiculas  in  papatu  sustinuerunt,  quique  horribilem  illam  animarum  carnificinam  tolerarunt  tamdiu,  nunc  evangelium  obtendunt  ut  anormes  et  exleges  vivant.  Sic  istis  accidit  quod  de  falsis  apostolis  ad  Corinthios  querebatur  Apostolus.  Nempe,  inquit,  omnia  illorum  placide  admittitis,  et  tantum  non  deosculamini,  quum  interea  ad  paternam  obiurgationem  servorum  Dei  ita  refractarii  sitis  (2.  Cor.  ll,  20).  Plerique  autem  hoc  magis  probarent,  ut  se  quisque  pro  arbitrio  gereret,  quibus  tfatis  esse^  videretur,  quod  verbum  Dei  publice  doceretur.  Quasi  vero  perperam  instituta  sit  a  Domino  in  ipsius  ecclesia  disciplina,  quae  omnes  in  officio  contineat.  Atque  ut  familiari  exemplo  hoc  constet:  quaenam  esset  vita  nostra  et  vigor,  si  anima  ita  corpori  inesset,  ut  vel  deessent  nervi  interea,  vel  officium  non  facerent?  Sic  omnino  anima  ecclesiae  verbi  auditione  constat,  ita  ut  etiam  nervorum  locum  obtineat  ordo  et  politia  constituta  apposite,  ad  bonum  corporis  illius  habitum  conservandum.  Atque  eo  spectat  illud  Apostoli,  quod  Deus  noster  non  sit  autor  seditionis  sed  pacis  (1.  Cor.  14,  33).  Illud  praeterea  vel  unum  abunde  esse  oportuerat,  ut  nihil  aliud  obstaret  nobis  ne  difflueremus  ad  malum  :  unum,  inquam,  ecclesiae  reformatae  nomen  quod  gerimus.  Quod  si  quis  hic  timendum  putat,  ne  sub  regiminis  spiritualis  titulo  species  aliqua  dominationis  invehatur,  aut  ne  ministri  sibi  plus  quam  licet  tribuant  et  sua  potestate  abutantur:  vestrum  est  ei  rei  prospicere,  atque  eam  moderationem  adhibere  in  iis  quae  apud  vos  his  de  rebus  statuenda  sunt,  ut  neque  constringatur  quisquam  in  sua  vocatione,  neque  ��tiam  fines  legitimi  transsiliantur.  Adeoque  ut  illi