19:115  115  EPISTOLAE  3612.3615  116  nous  mesmes  sur  ce  point,  a  scavoir  s'il  nous  est  licite  de  desfendre  et  faire  laisser  ceste  idole  a  la  Bovne  ou  non,  ou  si  ce  ne  nous  est  peche  de  le  souffrir,  veu  quil  est  en  nostre  puissance  de  le  reprimer  et  oster.  Et  en  ce  poinct  ie  vous  veux  prier  tresinstamment  de  me  mander  vostre  iugement  et  advis  avecques  telle  expedition  que  la  commodite  pourra  porter.  Quant  est  de  mon  faict,  ie  ne  frequente  pas  souvent  la  court  et  ce  non  seulement  a,  cause  de  ceste  idole  laquelle  y  est  me  desplaise,  mais  aussi  que  maintenant  abonde  entre  la  plus  grande  partie  que  sobriete  et  vertu  est  chassee  au  loing  et  qui  est  plus  contemnee  et  tenue  en  mespris  et  mocquerie,  bien  quelques  uns  y  a  du  conseil  qui  parlent  fort  haut  de  l'idolatrie  qui  s'y  commet  iusques  a  parler  en  la  presence  d'elle  mesme.  Cela  leur  semble  suffisante  et  valable  descharge  de  leur  conscience,  mais  pas  un  d'eux  ne  peuvent  estre  persuadez  de  luy  en  desfendre  l'usage,  de  sorte  que  d'une  petite  quils  luy  ont  soufferte  du  commencement  elle  est  parvenue  a  une  grande  chantee  a  parties,  et  dune  qu'elle  avoit  au  commencement  elles  sont  venues  a  trois  par  iour,  et  qui  plus  est  nous  craignons  fort  quelle  pretend  plus  que  nous  ne  voyons  encores  apparoistre.  Au  demeurant  ce  commencement  qu'avons  ouy  de  la  conference  en  france  apporte  grand  ioye  a  tous  les  coeurs  des  fidelles  ici,  de  laquelle  n'avons  encore  entendu  la  conclusion  finale  :  en  attendant  nous  prions  l'Eternel  nostre  bon  Dieu  quil  veuille  maintenir  la  cause  de  son  fils  nostre  Seigneur  Iesus  Christ  et  quil  baille  sagesse  constance  et  hardiesse  a  ses  fidelles  ministres  et  aussi  nous  preserve  longuement  pour  l'ayse  et  comfort  de  son  troupeau.  Et  sur  ce  me  recommandant  bien  affectionnement  a  vous  et  a.  tous  fidelles  avec  vous  Ie  vous  commets  de  tout  mon  coeur  en  la  protection  du  Toutpuissant.  De  Londres  ce  18.  Novembre  1561.6)  Vous  plairroit  il  aussi  d'avoir  souvenance  de  moy  chetif  dije  et  abiecte  creature  en  vos  prieres  a  ce  bon  Dieu.  Celuy  qui  demeure  tousiours  vostre  fidelle  ami  et  frere  en  nostre  Seigneur  Jesus  Christ.  5)  Des  Gaiiars  dans  sa  lettre  a  Vermigli  du  25.  Nov.  parle  de  lettres  qu'il  a  recues  d'Ecosse  par  V  ambassadeur  francais.  Peut-etre  celle-ci  etait  du  nombre*