10.1:115  ORDONNANCES.  Item,  apres  la  mort,  de  ne  porter  le  corps  en  sepulture  plus  tost  de  douze  heures  suivantes,  ni  aussi  plus  tard  de  vingt  quatre:  et  que  premierement  il  n'ait  este  visite  par  le  commis  a  cela,  qui  aura  serment  a  la  Seigneurie.  DE  LA  VISITATION  DES  MALADES.  Pour  ce  que  plusieurs  sont  negligens  de  se  consoler  en  Dieu  par  sa  parole,  quand  ils  se  trouvent  en  [page  42]  necessite  de  maladie,  dont  advient  que  plusieurs  meurent  sans  quelque  admonition  ou  doctrine,  laquelle  lors  est  a  l'homme  plus  salutaire  que  iamais:  pour  ceste  cause  avons  avise  et  ordonne  que  nul  ne  demeure  trois  iours  entiers  gisant  au  lict  qu'il  ne  le  face  savoir  au  Ministre:  et  que  chacun  s'advise  de  appeler  les  Ministres  quand  ils  les  voudront  avoir  a  heure  opportune,  afin  de  ne  les  distraire  de  leur  office  auquel  ils  servent  en  commun  en  l'Eglise.  Et  pour  oster  toute  excuse,  avons  resolu  que  cela  soit  publie:  et  sur  tout  qu'il  soit  faict  commandement  que  les  parents,  amis  et  gardes  n'attendent  pas  que  l'homme  soit  prest  a  rendre  l'esprit:  car  en  telle  extremite  les  consolations  ne  servent  de  gueres  a  la  pluspart.  DE  LA  VISITATION  DES  PB1S0NNIEBS.  En  outre  avons  ordonne  certain  iour  la  sepmaine,  auquel  soit  faite  quelque  collation  aux  prisonniers,  pour  les  admonester  et  exhorter:  et  qu'il  y  ait  un  des  Seigneurs  du  Conseil  depute  pour  y  assister,  afin  qu'il  ne  s'y  commette  aucune  fraude.  Et  s'il  y  en  avoit  quelcun  aux  ceps,  lequel  on  ne  voulust  pas  tirer  hors,  quand  bon  semblera  au  Conseil  il  pourra  donner  entree  a  quelque  Ministre  pour  le  consoler  en  presence  comme  dessus.  Car  quand  on  attend  qu'on  les  doive  mener  a  la  mort,  ils  sont  le  plus  souvent  preoccupez  si  fort  d'horreur  qu'ils  ne  peuvent  rien  recevoir  ni  entendre:  et  le  iour  de  ce  faire  [pag  43]  a  este  depute  le  Samedi  apres  disner.  L'ordre  qu'on  devra  tenir  envers  ies  petits  enfans.  Que  tous  Citoyens  et  habitans  ayent  a  mener  ou  envoyer  leurs  enfans  le  dimanche  a  midi  au  Catechisme,  duquel  a  este  ci  dessus  parle,  pour  les  instruire  sur  le  formulaire  qui  est  compose  a  cest  usage:  et  qu'avec  la  doctrine  qu'on  leur  donnera,  qu'on  les  interrogue  de  ce  qui  aura  este  dict,  pour  voir  s'ils  l'auront  bien  entendu  et  retenu.  Quand  un  enfant  sera  suffisamment  instruict  pour  se  passer  du  Catechisme,  qu'il  recite  solennellement  la  somme  de  ce  qui  y  sera  contenu:  et  ainsi,