8:114  croyent  point.  Et  la  raison?  C'est  que  Dieu  ne  desploye  point  sa  vertu  envers  tous.  Et  c'est  ce  que  nous  lisons  tant  souvent  en  l'Escriture  saincte:  comme  quand  sainct  Luc  dit,  au  dix-huic  t  des  Actes,  que  Dieu  ouvrit  le  coeur  de  ceste  femme  nommee  Lydie,  marchande  [page  54]  de  pourpre,  que  Dieu  luy  ouvrit  le  coeur,  afin  qu'elle  fust  attentive  a  ce  que  sainct  Paul  disoit.  Voila  un  don  special  qui  est  donne  a  ceste  femme,  quand  Dieu  parle  a  elle  en  son  coeur:  voire,  mais  n'avons  nous  pas  une  doctrine  generale  sur  ceste  matiere,  telle  que  sainct  Luc  donne,  quand  il  dit:  Tous  ceux  qui  estoyent  ordonnez  a  salut  ont  creu?  L'Evangile,  de  sa  nature,  est  bien  la  puissance  de  Dieu  pour  sauver  tous  croyans.  Mais  de  nostre  malice  nous  ne  pouvons  que  reietter  l'Evangile,  si  ce  n'est  que  Dieu  nous  illumine,  quand  il  nous  appele.  Comme  il  dit,  que  tous  ont  creu,  assavoir,  qui  estoyent  ordonnez  a  salut.  (Act.  13,  48.)  Cependant,  apprenons  que  nous  ne  pouvons  pas  nous  asseurer  de  nostre  salut  que  par  la  foy.  Car  si  un  homme  dit:  Et  que  say-ie  si  ie  suis  sauve  ou  damne?  par  cela  il  demonstre  que  iamais  il  n'a  cognu  que  c'est  de  foy  ne  de  l'asseurance  que  nous  devons  avoir  en  Dieu,  par  Iesus  Christ.  Veux-tu  donc  bien  savoir  si  tu  es  esleu?  Regardetoy  en  Iesus  Christ.  Car  ceux  qui,  par  foy,  communiquent  vrayement  [page  55]  en  Iesus  Christ,  se  peuvent  bien  asseurer,  qu'ils  appartiennent  a  l'election  eternelle  de  Dieu,  et  qu'ils  sont  de  ses  enfans.  Quiconque  donc  se  trouve  en  Iesus  Christ,  et  est  membre  de  son  corps  par  foy,  celuy-la  est  asseure  de  son  salut,  et  quand  nous  le  voudrions  savoir,  il  ne  faut  pas  que  nous  montions  la-haut  pour  nous  enquerir  de  ce  qui  nous  doit  a  ceste  heure  estre  cache.  Mais  voila  Dieu  qui  s'abaisse  a  nous;  il  nous  monstre  dequoy  en  son  Fils;  comme  s'il  disoit:  Me  voicy:  contemplez-moy,  et  cognoissez  comment  ie  vous  ay  adoptez  pour  mes  enfans.  Quand  donc  nous  recevons  ce  tesmoignage  de  salut  qui  nous  est  rendu  par  l'Evangile,  de  la  nous  cognoissons  et  sommes  asseurez  que  Dieu  nous  a  esleus.  Et  ainsi  il  ne  faut  point  que  les  fideles  doutent  de  leur  election,  mais  qu'ils  ayent  cela  pour  tout  resolu,  que  depuis  qu'ils  sont  appelez  a  la  foy  par  la  predication  de  l'Evangile,  ils  sont  participans  de  ceste  grace  de  nostre  Seigneur  Iesus  Christ,  et  de  la  promesse  qu'il  leur  a  faite  en  son  Nom.  Car  nostre  [page  56]  Seigneur  Iesus  Christ  est  le  fondement  de  ces  deux:  c'est  assavoir,  des  promesses  de  salut  et  de  nostre  election  gratuite,  qui  a  este  faite  des  la  creation  du  monde.  Et  ainsi  maintenant  nous  voyons  que  tous  les  passages  qu'on  pourroit  alleguer,  sont  alleguez  mal  a  propos  pour  pervertir  l'election  de  Dieu:  qu'il  faut  que  ceste  doctrine-la  demeure  ferme  et  certaine.  8