7:114  compose  et  consiste  de  deux  parties:  assavoir,  du  corps  et  de  l'ame.  Il  est  temps  de  venir  au  second  poinct:  assavoir,  quel  est  l'estat  des  ames  apres  la  separation  du  corps.  Les  Anabaptistes  pensent  qu'elles  soyent  endormies  comme  mortes.  Nous  disons  qu'elles  ont  vie  et  sentiment:  qu'ainsi  soit,  nous  en  avons  le  tesmoignage  de  Iesus  Christ,  quand  il  [page  133]  exhorte  ses  disciples  de  ne  point  craindre  ceux  qui  tuent  les  corps,  et  ne  peuvent  tuer  les  ames:  mais  de  craindre  celuy  qui  apres  avoir  tue  le  corps,  peut  iecter  l'ame  en  la  gehenne  du  feu  (Matth.  10,  28).  Si  l'ame  n'estoit  rien,  ou  qu'elle  fust  comme  occise,  quand  elle  est  separee  du  corps,  cela  ne  seroit  point  vray,  que  les  tyrans  et  persecuteurs  n'ont  nulle  puissance  sur  icelle.  Ainsi  Dieu  nous  a  faict  une  belle  grace,  de  n'assubiectir  point  noz  ames  a  ses1)  bourreaux,  lesquelz  veulent  pis  faire,  et  plus  cruellement  que  tous  les  persecuteurs  du  monde:  c'est  de  meurtrir  les  ames  quant  et  quant  les  corps.  Mais  oyons  leur  belle  cavillation.  Ii  est  bien  vray,  disent-ilz,  que  l'ame  meurt  pour  l'heure,  mais  elle  ne  perist  pas  du  tout,  veu  qu'elle  doit  ressusciter.  Ie  lour  demande:  Et  le  corps  quoy?  Car  si  l'ame  ne  meurt  point  seulement  a  cause  de  l'esperance  qu'elle  a  de  la  resurrection,  il  y  a  une  mesme  raison  pour  le  corps,  qu'il  ne  periroit  non  plus.  Or  nostre  Seigneur  Iesus  discerne  notamment  entre  l'un  et  l'autre,  disant,  que  le  corps  est  tue,  non  pas  l'ame.  Et  en  ceste  facon  parloit  Iesus  Christ,  disant  aux  Iuifz  (Iehan  2,  19):  Destruisez  ce  temple,  et  ie  le  reedifieray  dedans  trois  iours.  Sainct  Iehan  adiouste  qu'il  parloit  du  temple  de  son  corps:  ainsi  il  [page  134]  reservoit  l'ame  apart:  denotant  qu'elle  ne  pouvoit  pas  estre  destruicte.  Et  de  faict,  en  mourant,  il  l'a  recommandee  a  Dieu  son  Pere  (Luc  23,  46).  Et  sainct  Estienne  a  son  exemple:  Seigneur  Iesus,  dit-il,  recois  mon  esprit  (Act.  7,  58).  Voila  donc  qu'il  nous  faut  sentir.  C'est  que  Dieu  est  le  protecteur  de  noz  ames,  pour  les  preserver  de  la  tyrannie  des  hommes:  afin  que  quand  se  viendra2)  a  mourir,  chacun  de  nous  luy  recommande  son  ame.  Semblablement  quand  sainct  Pierre  dict,  que  nostre  Seigneur  Iesus  est  venu  en  son  Esprit  aux  espritz  qui  estoyent  en  prison  (1  Pierre  3,  19):  il  testifie  bien  par  ces  parolles,  que  les  ames  sentent  et  congnoissent  apres  la  mort.  Car  autrement  elles  n'eussent  point  este  capables  de  la  predication  de  Christ,  laquelle  il  dict  qu'il  leur  a  faicte.  Ie  confesse  que  ce  passage  a  este  tenu  pour  obscur,  et  qu'on  l'a  diversement  expose:  mais  ie  ne  allegueray  1)  ces  1611.  2)  ce  viendra  1566  suiv.