6:114  MINISTER.  Vim  ergo  efficaciamque  sacramenti  non  in  externo  elemento  inclusam  esse  existimas,  sed  totam  a  spiritu  Dei  manare?  PUER.  Sic  sentio:  nempe,  ut  virtutem  suam  exserere  Domino  placuerit  per  sua  organa,  quem  in  finem  ea  destinavit.  Quod  quidem  ita  jftcit,  ut  spiritus  sui  virtuti  nihil  detrahat.  MINISTER  Potesne  mihi,  cur  ita  agat,  rationem  reddere?  PUER.  Hoc  scilicet  modo  infirmitati  nostrae  consulit.  Nam  si  spirituales  essemus  toti,  angelorum  instar  spiritualiter  tum  eum,  tum  ipsius  gratias  possemus  intueri.  Verum,  ut  hac  terreni  corporis  mole  circumdati2)  sumus,  figuris  indigemus  vel  speculis,  quae  nobis  spiritualium  coelestiumque  rerum  aspectum  terreno  quodam  modo  exhibeant.  Neque  enim  aliter  eo  perveniremus.  Simul  etiam  nostra  interest,  in  Dei  promissionibus  exerceri  sensus  omnes  nostros,  quo  melius  nobis  confirmentur.  MINISTER.  Si  verum  est,  ideo  instituta  esse  a  Deo  sacramenta,  ut  subsidia  necessitatis  nostrae  forent,  annon  arrogantiae  damnari  merito  deberet,  si  quis  iudicaret,  illis  se,  tanquam  non  necessariis,  posse  carere  ?  PUER.  Omnino.  Atque  adeo  si  quis  illorum  usu  sponte  abstineat,  ac  si^opus  non  haberet,  Christum  contemnit,  ipsius  respuit  gratiam,  et  spiritum  exstinguit.  MINISTER.  [fol.  71]  Verum,  qualis  ex  sacramentis  fiducia  ad  stabiliendas  conscientias,  et  quam  certa  securitas  concipi  potest,  quibus  utuntur  promiscue  boni  et  mali?  PUER.  Quanquam  oblata  sibi  in  sacramentis,  Dei  dona,3)  in  nihilum,  ut  ita  dicam,  redigunt  impii,  quantum  ad  ipsos  spectat,  non  tamen  propterea  efficiunt,  quin  sua  vis  et  natura  sacramentis  maneat.  MINISTER.  Quo  igitur  modo,  et  quando  usum  sacramentorum  sequitur  effectus?  PUER.  Quum  ea  fide  recipimus,  Christum  in  illis  solum,  eiusque  gratiam  quaerentes.  MINISTER.  Cur  illic  quaerendum  esse  Christum  dicis?  1)  Le  47.  dimanche.  .  Les  Sacremens  sont  necessaires.  .  L'effect  des  Sacremens.  .  Cercher  Iesus  Christ  aux  Sacremens.  .  Augmentation  de  foy  par  les  Sacremens.  .  Imperfection  des  enfans  de  Dieu.  2)  circumdati  om.  in  ed.  principe.  3)  In  edd.  rece.  manuakbus  legitur  bona.  Caivim  opera.  Voi.  VI.  8