58:114  ouverture  au  mal,  et  de  fermer  la  porte  au  bien,  par  maniere  de  dire,  a  ce  que  par  nostre  temerite  et  inconsideration  Dieu  soit  offense.  Voila  donc  la  prudence  que  nous  devons  avoir  :  et  pource  que  nous  ne  l'avons  pas  il  nous  la  faut  demander  a  Dieu.  Or  pour  le  second,  Abimelech  dit,  Tu  eusses  fait  venir  un  grand  mal  sur  nous.  Et  comment  ?  Quand  quelqu'un  du  peuple  eust  paillarde,  et  qu'il  eust  commis  une  offense,  quelque  griefve  qu'elle  fust,  il  meritoit  lui  seul  d'estre  puni:  et  faut-il  que  tout  un  pais  en  responde?  Or  nous  voions  ici  qu'un  povre  Payen,  un  incredule,  un  povre  aveugle  a  cognu  que  la  terre  estoit  souillee  par  un  adultere  :  et  que  si  cela  demeure  impuni,  toutefois  devant  Dieu  voila  tout  un  peuple  qui  en  est  coulpable,  voire  quant  a  la  punition  temporelle.  Ii  est  vray  que  Dieu  sait  bien  convertir  a  profit  les  chastimens  qu'il  envoye  k  ceux  qui  en  sont  innocens:  car  si  ceux  qui  ne  sont  consentans  au  mal,  endurent,  ce  ne  sera  pas  en  telle  sorte  comme  s'ils  estoyent  du  tout  coulpables  :  mais  Dieu  convertit  cela  a  leur  salut.  Cependant  si  est  ce  qu'il  ne  les  chastie  iamais  sans  cause:  si  nous  ne  la  voyons  maintenant  a  l'oeil,  quand  les  registres  seront  ouvers,  alors  nous  verrons  bien  que  Dieu  n'y  va  point  a  tort  et  a  travers,  comme  on  dit.  Et  quand  il  envoye  des  punitions  generales  sur  tout  un  peuple,  pour  un  delit  qui  semble  estre  particulier,  neantmoins  il  sait  bien  que  tous  n'en  sont  pas  innocens,  comme  notamment  il  est  ici  dit,  et  comme  aussi  Abimelech  l'entendoit.  Car  quand  les  adulteres  se  commettent,  et  qu'ils  ne  sont  point  punis,  voila  une  infection  qui  croupit  sur  toute  la  terre:  mais  encores  pourrons  nous  dire  que  personne  en  soit  innocent,  quand  nous  fermons  les  yeux,  et  quand  nous  laissons  couler  tout  cela?  Encores  qu'un  homme  ne  soit  point  Iuge,  qu'il  ne  soit  que  persone  privee,  il  s'y  doit  opposer,  entant  qu'en  lui  est.  Or  au  contraire,  il  n'y  a  celui  qui  ne  calle  la  voile,  au  lieu  que  nous  devrions  empescher  le  mal:  si  nous  avions  une  magnanimite  et  un  zele  de  Dieu,  nous  procurerions  qu'il  fust  servi  et  honore  comme  il  le  merite.  Or  nous  ne  le  faisons  pas:  il  y  a  donc  quelque  laschete  en  tous,  et  quelque  nonchalance.  Bref,  iamais  les  vices  n'ont  regne  et  vogue  en  un  pais  que  grands  et  petis  ne  soyent  comme  complices  a  cause  de  leur  trop  grande  patience,  ou  dissimulation,  ou  froidure.  Voila  donc  pourquoy  Dieu  ne  punist  point  les  pechez  sans  cause.  Mais  au  reste  quant  a  l'adultere,  nous  voyons  ce  qu'un  povre  Payen  en  a  prononce.  Aions  donc  honte  quand  un  tel  mal  regnera  au  milieu  de  nous:  et  sachons  qu'il  ne  nous  faudra  autre  Iuge  pour  nous  condamner,  nous  qui  avons  este  baptizez