52:114  mentis  huius  mundi:  quid  tanquam  viventibus  in*  mundo  decreta  vobis  pet'scribuntur'?  21.  Ne  esitaveris*  ne  gustaveris,  ne  attigeris:  22.  quae  sunt  omnia  in  corruptionem  ipso  abusu,  secundum  praecepta  et  doctrinas  hominum,  23.  quae  speciem  quidem  habent  sapientiae  in  superstitione,  et  humilitate  animi,  et  neglectu  corporis:  non  in  honore  aliquo  aa  expletionem  carnis.  20.  Si  mortui  estis.  Prius  dixerat  affixa  Christi  cruci  fuisse  decreta:  nunc  alia  dicendi  figura  utitur,  illis  nos  esse  mortuos.  Sicuti  alibi  (Galat.  2,  19),  nos  legi  mortuos  esse  docet,  ac  legem  vicissim  nobis.  Mortis  nomen  abrogationem  significat:  sed  est  expressius  xai  eficpaxtxOTepov.  Dicit  ergo  nihil  esse  Colossensibus  cum  decretis.  Quare?  eo  quod  decretis  sint  mortui  cum  Christo,  hoc  est,  postquam  sunt  regeneratione  cum  Christo  mortui:  eius  beneficio  liberati  sint  a  decretis,  ut  nihil  amplius  ad  ipsos  pertineant.  Hinc  concludit,  decretis  eos  minime  teneri,  quae  illis  pseudoapostoli  imponere  tentabant.  21.  Ne  esitaveris,  ne  gustaveris.  Hactenus  reddiderunt  :  Ne  attrectaveris.  Sed  quum  mox  sequatur  aliud  verbum,  quod  idem  significat:  nemo  non  videt  quam  frigida  sit  et  absurda  repetitio.  Porro  verbum  ofoxea&at  inter  alia  Graecis  est  esitare,  quemadmodum  transtuli.  .  Utitur  Plutarchus  in  Caesare,  quum  narrat  eius  milites  in  rerum  omnium  penuria  esitasse  animalia,  quae  prius  esui  non  erat.  Est  autem  hic  ordo  cum  alias  genuinus,  tum  etiam  aptissimus  loci  circumstantiae.  Mi(M]Tix$c  enim  exprimit  Paulus  quo  progredi  soleat  eorum  morositas,  qui  legibus  suis  conscientias  illaqueant.  Ab  initio  sunt  iam  plus  aequo  rigidi.  Ideo  initium  facit  a  prohibitione  non  tantum  vescendi,  sed  leviter  edendi.  Posteaquam  adepti  sunt  quod  voluerant,  transscendunt  illud  imperium  :  ut  nefas  deinde  pronuntient  gustare  quod  edi  nolunt.  Tandem  ia  ipso  tactu  piaculum  constituunt.  Nullus  denique  est  finis,  ubi  semel  tyrannidem  sibi  in  animas  sumpserunt  homines,  quin  novae  quotidie  leges  veteribus  addantur,  ac  subinde  exoriantur  nova  decreta.  Huius  rei  quam  luculentum  est  speculum  in  papatu  !  Proinde  eleganter  Paulus,  qui  admonet  humanas  traditiones  labyrinthum  esse,  quo  magis  ac  magis  implicantur  conscientiae:  imo  esse  laqueos,  qui  sic  initio  stringunt,  ut  successu  tandem  temporis  strangulent.  22.  Quae  sunt  omnia  in  corruptionem.  Duplici  argumento  refutat  decreta  quorum  meminit:  quia  religionem  constituant  in  rebus  externis  et  caducis  quae  nihil  ad  spirituale  Dei  regnum  pertinent:  deinde  quia  sint  ex  hominibus,  non  Deo.  Priore  argumento  etiam  in  epistola  ad  Romanos  (14,  17)  pugnat,  Regnum  Dei  non  est  in  esca  et  potu��