51:114  pestes  mortelles.  Et  il  est  certain  que  nous  n'aurons  nulle  fermete  ni  appuy,  sinon  que  nous  ayons  telle  discretion  et  solicitude:  comme  sainct  Paul  nous  monstre  en  ce  passage.  Et  auiourd'huy  cela  est  bien  necessaire.  Car  qui  est  cause  que  tant  de  caphards  gazouillent  contre  la  parole  de  Dieu,  et  qu'ils  sont  effrontez  comme  des  putains  a  maintenir  les  abus  si  enormes  qu'on  les  void  en  la  Papaute,  les  superstitions  et  idolatries,  et  les  erreurs,  sinon  pour  ce  qu'ils  cognoissent  que  s'ils  ne  font  boulir  le  pot,  ils  seront  incontinent  affamez,  et  s'ils  ne  se  maintiennent  en  possession  de  ceci  et  de  cela?  Et  d'autre  coste  iis  regardent  aussi  quel  est  le  danger  de  persecution  a  soustenir  telle  doctrine.  Et  mesmes  on  void  qu'elle  est  condamnee  des  Princes  et  des  grands  de  ce  monde:  il  faut  donc  se  tenir  cache  en  l'ombre.  Voila  (di-ie)  comme  auiourd'huy  un  nombre  infini  de  gens  desguisent  la  verite  de  Dieu,  et  la  falsifiant,  et  maintiennent  toutes  corruptions,  c'est  pour  ce  qu'ils  ne  veulent  point  endurer  pour  Iesus  Christ:  il  est  vray  qu'ils  ne  seront  point  du  tout  Papistes,  pour  blasphemer  ouvertement  contre  la  parole  de  Dieu  :  mais  ils  voudroyent  avoir  encores  quelque  moyen,  ouy  a  leur  fantasie:  car  ils  nous  accusent  de  trop  grande  extremite  et  rigneur,  de  ce  que  nous  condamnons  ceux  qui  vont  a  la  Messe,  et  qui  font  accroire  qu'ils  n'adorent  point  les  idoles,  O  comment?  moyennant  qu'on  n'ait  point  cela  en  son  coeur  (diront-ils),  et  faut-il  tant  presser  qu'il  en  advienne  scandale,  et  que  chacun  s'expose  a  la  mort?  Et  quel  propos  y  auroit-il?  Et  Dieu  a  nostre  vie  precieuse,  et  encores  que  nous  deussions  faire  mal,  si  est-ce  qu'il  aura  pitie  de  nostre  fragilite.  Ceux  qui  parlent  un  tel  langage,  il  est  certain  qu'ils  ne  sont  esmeus  d'autre  raison,  sinon  pour  ce  qu'ils  voyent  bien  que  tout  le  monde  est  ainsi  enflamme  contre  nous,  et  qu'il  semble  que  nous  devrions  perir,  et  estre  abysmez  chacun  iour.  Voila  donc  pourquoy  ils  se  reculent,  et  tachent  de  faire  comme  une  bande  a  part,  quand  ils  voyent  que  les  dangers  sont  apparens.  Mais  quand  nous  voyons  que  ces  prescheurs  delicats  fuyent  ainsi  la  persecution  et  qu'ils  ne  veulent  souffrir  nul  combat,  pour  nostre  Seigneur  Iesus  Christ,  et  qu'ils  flechissent  ainsi  et  se  transfigurent  seulement  pour  estre  paisibles  en  ce  monde,  tant  plus  nous  faut-il  noter  ceste  admonition  de  sainct  Paul,  et  que  nous  discernions  qui  sont  ies  vrais  serviteurs  de  Iesus  Christ:  c'est  a  scavoir  ceux  qui  n'ont  point  esgard  a  leur  profit,  qui  ne  veulent  point  qu'on  leur  applaudisse,  qui  ne  cerchent  point  la  souppe  grasse,  ni  les  honneurs  du  monde:  mais  qu'ils  se  contentent  simplement  de  faire  leur  office,  et  ne  regardent  point  quel  vent  court,  s'il  y  a  tempeste  ou  tourbillon,  ou  si  tout  est  paisible,  mais  qui  profitent  a  ceux  qui  8