50:114  sensu  accipitur  apud  Paulum.  Terum  carnem  hic  potius  interpretor  pro  externa  pompa  vel  ostentatione,  qua  sola  venditare  se  pseudoapostoli  solent  Paulus  ergo  de  iniquitate  eorum  conqueritur,  qui  nihil  in  se  considerabant  praeter  carnem,  hoc  est,  visibilem  apparentiam  (ut  loquuntur),  aut  vulgari  hominum  more,  qui  studia  sua  omnia  ad  ambitionem  componunt.  Quum  enim  illis  dotibus  minime  excelleret  Paulus,  quae  vulgo  apud  filios  huius  saeculi  laudem  aut  pretium  conciliant:  despiciebatur  tanquam  gregarius  aliquis.  Sed  a  quibus?  nempe  ab  ambitiosis,  qui  eum  aestimabant  a  solo  adspectu,  non  autem  reputabant  quid  intus  lateret.  3.  Nam  in  carne  ambulantes.  Hic  ambulare  in  carne  significat  in  mundo  versari:  quod  alibi  dicit,  habitare  in  corpore.  Erat  enim  inclusus  in  corporis  sui  ergastulo:  sed  hoc  non  impediebat  quominus  spiritus  sancti  virtus  mirifice  se  exsereret  in  eius  infirmitate.  Est  iterum  species  concessionis,  quae  tamen  adversarios  nihil  iuvat.  Secundum  carnem  m  i  l  i  t  a  n  t  ,  qui  nihil  aggrediuntur  nisi  mundanis  praesidiis  freti,  quibus  etiam  solis  superbiunt:  fiduciam  in  spiritus  sancti  auspiciis  ac  ductu  repositam  non  habent.  Ex  hoc  genere  se  ease  negat  Paulus,  quia  aliis  armis  quam  carnis  et  mundi  sit  instructus.  Porro  quod  de  se  affirmat,  competit  etiam  in  omes  veros  Christi  ministros.  Thesaurum  enim  incomparabilem  gerunt  in  vasis  testaceis,  quemadmodum  prius  dixi.  Ergo  utcunque  carnis  infirmitatibus  sint  circumdati,  spiritualis  nihilominus  Dei  potentia  in  ipsis  magnifice  relucet.  4.  Arma  enim  militiae  nostrae.  Talis  militia  est  qualis  armorum  species.  Spiritualibus  armis  munitum  se  esse  gloriatur:  ergo  spiritualis  est  militia.  Inde  sequitur  a  contrariis,  non  esse  secundum  carnem.  Quod  evangelii  ministerium  militiae  comparat,  aptissima  est  similitudo.  Militia  quidem  perpetua  est  vita  hominis  christiani.  Nam  quicunque  se  Deo  in  obsequium  addicit,  nullas  unquam  indutias  habebit  a  Satana,  sed  assidua  inquietudine  vexabitur.  Verum  ministros  verbi  ac  pastores  reliquis  antesignanos  esse  decet.  Et  certe  nulli  sunt  quibus  magis  instet  Satan,  qui  acrius  impetantur,  qui  plures  aut  graviores  sustineant  insultus.  Fallitur  itaque  qui  ad  hanc  functionem  obeundam  se  accingit,  nisi  pariter  ad  certandum  animo  et  virtute  sit  comparatus:  quia  non  exercetur  nisi  militando.  Sic  enim  habendum  est,  evangelium  veluti  ignem  esse,  quo  accenditur  Satanae  furor.  Quare  fieri  aliter  nequit  quin  ad  praeliandum  armetur,  quoties  illud  promoveri  cernit.  Quibus  autem  armis  repellendus  est?  nonnisi  spiritualibus  potest  repelli.  Quicunque  igitur  exarmatus  est  virtute  spiritus  sancti,  utcunque  ministrum  Christi  se  iactet:  non  tamen  probabit  se  talem  esse.  Quamquam  si  plenam  definitionem  armorum  spiritualium  habere  velis,  doctrina  cum